Filipino Poetry by jude (top 10 novels of all time TXT) π
mga tulang pilipino na (malamang) ako ang siyang may akda. nawa'y malibang kayo sa pagbabasa.
(Filipino poems wherein (of couse) I am the author. enjoy reading)
Read free book Β«Filipino Poetry by jude (top 10 novels of all time TXT) πΒ» - read online or download for free at americanlibrarybooks.com
- Author: jude
Read book online Β«Filipino Poetry by jude (top 10 novels of all time TXT) πΒ». Author - jude
kasangkapang mapanlinlang ang kalamnang lubhang mapamukaw,
kanino mang paningin ang makahagip ay agarang masisilaw.
taglay ang mga pabor ng hindi isang pangkaraniwan
at saan man maparoon ay lubusan na kinakahiligan,
dagliang napapasakamay ang nais na kaligayahan,
'pagkat walang sawang hinaharabas ang pabalat na kasinungalingan.
Tampok ang kabulaanan sa mga tinatalumpating pagpapagaan.
Gasgas na ang mga linyang kinakasa sa pagdadahilan.
Timbog na rin ang mga indayog ng ikinubli na kataksilan.
...
Oras nalang ang magdedeklara kung kailan ka malalagutan.
Panahon na ng pasko at lumalamig na..
Pero sa akin, init ng puso ang dumadaig sa..
Ginaw ng gabi dahil aking bukambibig siya..
Nang walang puknat at paulit ulit habang kinikilig pa..
Gusto ko sana sabihin na sya ang nais na makatambal ko..
Subalit may nauna na yata dahil sa tagal ko..
Ang di sya malapitan tila pagkakasakal to..
Ang pagkakalikha ng tulang to ay bunga ng pagkahangal ko.
Lungkot ang gumapos sa puso ng takot..
Patawad kasi torpe kaya di ko siya maabot..
Tila isang palaisipang di ko marinig ang sagot..
Siya lang ang sasalba sa hininga kong palagot..
Makalumang pagtula sa panahon na moderno..
Kahit isa akong gago na mukhang sirkero..
Parang nagdiwang ako ng pasko sa gitna ng disyerto..
Kung wala ang babaeng taglay ang pangalang Cordero.
Kalungkutan ang nagudyok sa akin upang magsulat..
Mga mata'y aking ipinipikit kahit matagal na akong mulat..
Ano mang sabihin ng isip, hindi pa rin ito sapat..
Subalit kapag puso ang nagdeklara, kinakalimutan ang lahat.
Sanay ako magisa't hindi inaalintana ang paligid..
Kinakausap ang sarili bilang manunuligsa na masugid..
Ni minsan sa sarili, ugnaya'y di napatid..
Nagapos ng kalungkutan at di makalagan ang lubid.
Wala parin siyang interes kahit ano ang aking gawin..
Kalunos-lunos sa pandama ang di ako pansinin..
Ito ang dahilan kung bakit walang silbi ang pag-amin..
Tatanggi lang naman siya at di magiging akin.
Wakas.
Publication Date: 08-02-2012
All Rights Reserved
Comments (0)