Ebikaguzo Bya Hamu Nebigarukwamu Kuruga Hali RUHANGA (Ugandan Version) by Susan Davis (most popular novels TXT) 📕

Ebikaguzo Bya Hamu Nebigarukwamu Kuruga Hali RUHANGA-- Ekichweka 3:

 

Ekikaguzo kya Susan:  Okurubata na RUHANGA buli kiro kisemeriire kuba kita?

 

Ekigarukwamu kya MUKAMA:  Susan, kinu nikyo nkunihiramu mu baana BANGE: Ninsaba okwehayo okwabuli kiro, obwire obumaliirwe hali NYOWE ekiro kyoona. Kinu kiija kwetagisa enchwamu-- kukora enchwamu-- kuleka okuhambya ensi okahingisamu kinu nobwire obwokumara NANYOWE. Nsemeriire. Nkabahanga. Nkabafwera okufwa okuzibu muno. Nyetekaniize okwizira omugole WANGE. Ninyetaaga okuhagira kwabaana BANGE.

 

Matayo 6:24  Busaho muntu asobora kuko'ra abakama babiri baitu alinobaho omu nagonza ondi, rundi aligumira homu, nagaya ondi. Timurukusobora kukorra RUHANGA na Mamona.

 

 

Ekikaguzo kya Susan:  Nooha anyakuli koya koya kandi habwaki?

 

Ekigarukwamu kya MUKAMA:  Ekanisa eya koya koya ekyokunseera buli kiro tekitwaramu nkekisemeriire. Nibanyenda kwonka ahabwire bwabo obubeteriireho, aha bigendererwaho byabo. Okwehayo okwa buli kiro tikutangatangana na pulani zaabo. Pulani zaabo eza bwire bunu rundi ezomumaiso. Tindi kichweka nekimu hali pulani zaabo ezomumaiso kandi kakusinga nali ndimu, bakubaire beehaireyo hali okugonza KWANGE kandi nibatunulira balindiriire okugaruka KWANGE buli kiro, oihireyo bahambya ebintu byensi kandi bateeka okunihira kwabo hali ebintu byabantu. Baija kuba nenaku kakusinga balisigwa enyuma aha Kwija KWANGE...

 

Matayo 12:50  Baitu anyakukora wena ISENYOWE ali omu iguru ebyagonza, nuwe mugenzi WANGE, nuwe munyanya NYOWE, nuwe mau.

 

Zabuli 20:7  Abandi abesiga egali, nabandi besiga embarasi: baitu itwe tuligamba ibara lya MUKAMA RUHANGA waitu.

 

Isaiah 31:1  Ziribabona abo abasirimukira misiri okukonyerwa, nibesigamira embarasi nibesiga egali baitu ziri nyingi, nabaha embarasi baitu banyina amani maingi; baitu tibarukurora ha Arukwera wa Isareri, kunu tibarukuse'ra MUKAMA.

 

Isaiah 36:9  Nukwo orasobora ota okuhindura amaiso gengabwa emu hali abo abakira obuto ha bairu ba MUKAMA WANGE, noyesiga misiri okukuha egali nabaha embarasi?

  

 

Ekikaguzo kya Susan:  Habwaki omugole bali bantu bataito muno omubaingi?

 

Ekigarukwamu kya MUKAMA:  Omugole WANGE arubatira aha muhanda ogufunda muno engeri ekigambo KYANGE kisoborra. Abantu abamu basanga kinu kigumire muno kwikiriza, baitu okwija kwomwana wa RUHANGA kuliba nkengeri kyabaire omubwire bwa Noha. Bataito muno bakasangwa balindiriire batunuliire obwomuijuzo gwaizire kandi era baraito muno baija kusangwa balindiriire obundagaruka. Okutunuura tikiri kitenso; kiri kyetaago habwokwihwamu kwanyu obundaihamu ekanisa YANGE. Kakusinga abantu BANGE baraaba batasangirwe balindiriire obundagaruka, baija kusigwa enyuma kurora ensi eyekiirima rundi ekibi muno ekikusingayo: okuhwerekerra okwabwangu. 

 

Matayo 7:13-14  Mutahe omu irembo erifunzire: baitu irembo lugalihire nomuhanda ogurukugenda omukuhwerekera mukoto, nabo abagutahamu baingi. Baitu irembo lifunzire nomuhanda ogutaha omu bwomezi muke, nabo abaguzora bake.

 

Matayo 24:37-39  Baitu nkebiro bya Nuha okubikaba biri, nukwo kuliba kuti okuija okwomwana womuntu. Baitu nkokubakaba bali omubiro ebi ebyabandize okusandara kwamaizi, bakaba nibalya, nibanywa, nibaswerwa, nibagaba okuswera okuhikya ekiro Nuha ekiyatahiremu omu bwato. Kandi batamanye okusandara kwamaizi obukwaizire, nukutwara bona; nukwo kuliba kuti okuija okwomwana womuntu.

 

Ekikaguzo kya Susan:  MUKAMA, kiki ekyokubara kuba "okutunurra"?

 

Ekigarukwamu kya MUKAMA:  Kunu nukwo okusoborra KWANGE hali "okutunurra": Omuntu owanyakwikaara aha kasongezo kentebe ye nalindiriira okugaruka KWANGE. Omuntu owanyakwine amaiso ge agataire hali NYOWE: MUKAMA Wabo kandi OMUJUNI wabo. Omuntu owanyakusoma ekigambo KYANGE, akansera buli kuhinduka kwe kwoona kandi akarora omulingo ekigambo KYANGE kyemeriiremu nemikoro eyenyakulimu kubaho omunsi. Abo abanyakusera OMWOYO WANGE okubebembera baija kumanya esaaha eyibalimu. Baija kuba betekaniize kandi netaara zabu ziija kuba nizakira kimu. Banu nubo Abaana BANGE abetekaniize, ekanisa YANGE, OMUGOLE WANGE.

 

1 Abasesalonika 5:1-6  Baitu ebyebiro nobusumi, bene baitu, timurukutaga okuhandikirwa. Baitu inywe mumanyire kurungi ngu nkomusuma ekiro nukwo ekiro kya MUKAMA waitu kiija kiti. Obubagamba ngu Mirembe busaho kabi, nubwo okuhwerekereza okwa bwango kubaizira, nkokurumwa okukuizira anyakuli nenda; kunu tibalikira na kake. Baitu inywe bene baitu timuli omu muirima, ekiro eki okubatangisa nkomusuma.

  

Ebigaisirweho:  Donna McDonald akasaba hanyuma yokwesengereza Kwange (Susan) hali ebikaguzo binu kandi binu nibyo nawe yahuliire kuruga hali MUKAMA. Nsabiire ebigambo binu kandi kinu nikyo MUKAMA aine kubaza hali ebikaguzo binu.

 

Ekikaguzo ekyokubanza:  Hali ekwehayo okwabuli kiro. Kyanguhire: kakusinga okora engeri nkukugamba, oija kwesanga oli NANYOWE ebiro byoona. Kakusinga otaakole oti, tokwija kwesanga NANYOWE. Oija kumaliira omukiina ekyebiro nebiro. Eri nchwamu yawe, chwamu. Amina.

  

 

Ekikaguzo ekyakabiri:  Ekanisa eya koya koya enteeka aha bwire bwayo obwetekereho. Omugole WANGE (owakwija kutwarwa) ateeka obwire bwange obunteekereho nkenkokubanza. Omugole aija kutwarwa, ekanisa eya koya koya tekwija kutwarwa. Wechweremu. Amina.

 

  

Ekikaguzo kyakasatu:  Aba Koya koya balimu kusirimuka hansi bwangu muno, batalimu kurora nambere balimu kugenda. Omugole WANGE aija kutwarwa kandi balimu kurubata hamu NANYOWE, aha Muhanda ogufunda muno. Aba koya koya baija kusigara enyuma, kubonabonesebwa hamu nokutemwaho emitwe rundi ekibi ekikusingayo: okufwa okwabwangu hamu na gehena. Chwamu nambere orukwenda kugenda. Amina.

 

  

Ekikaguzo kyakana:  Omugole WANGE alimu kutunurra na binoculars, microscopes hamu na telescopes habwokugaruka KWANGE. Anseera buli kagisa kona kandi nabuli kasonda koona. Ekanisa eya koya koya tekufwayo kandi baija kusasulira muno habwobutafwayo bwayo. Amina.

 

   

Kunu nukwo okumaliriza kwange okwokusoborra okwebigambo binu ebiherezibwe omuhara WANGE, Susan Davis. Mukigabane nabandi, bahara BANGE nkekikugumya ebikaguzo binu habwa RUHANGA wanyu. Amina.

 

Ebikaguzo Bya Hamu Nebigarukwamu Kuruga Hali RUHANGA-- Ekichweka 4:

 

 Ekikaguzo kya Susan:  Omuntu asobora ata kufuga ekibi ekimufwokire muze?

 

Ekigarukwamu kya MUKAMA:  Gunu nugwo omulingo ogwa baana BANGE basobora kufuga ekibi kyabo. Nibetaaga kuhayo ebyabo byoona hali NYOWE,hatali ekibi kyabo kyonka baitu omubiri gwabo gwoona, omwoyo, omubiri, obwomezi kandi baikirize OMWOYO WANGE Okubaijuza, okubambukya, okubagaara buhyaka, hamu nokuhindura emitima yabo kuruga omumitima yeibaale kugifwora emitima yenyama. Omuhanda gundi gwoona kurwanisa ekibi guija kubamaramu amaani, kandi ekifubiro kyekibi kuli kufwa oihireho okuganyira KWANGE. Nseera kandi oija kunzoora. Abasaija baingi batungire okuganyirwa hamu nokuhumurwaho kuruga aha kibi ekibakwatiriire kumara obwire bwingi hahwa amaani ga MWOYO WANGE ARUKWERA. Mumpindukire kutunga okuhumurwaho kuruga omu kibi.

 

Abarumi 12: 2  Kunu mutasisanizibwa nkobusinge bunu: baitu muhindurwe omu Magezi ganyu amahyaka, nukwo mwero're inywenka RUHANGA ebyagonza okubiri ebirungi, ebisemire, ebihikire.

Tito 3:5  Tibuli obwengeso ezokuhiki'ra ezitwakozire itwe, baitu obwokuganyira kwe obwokwogibwa obwokuzarwa omurundi ogwakabiri, nokufworwa abahyaka Omwoyo ogurukwera.

 

1 Yohana 5:18  Nitumanya ngu buli omu owanyakuzairwe RUHANGA tasiisa; baitu ogu owanyakuzairwe RUHANGA ayerinda kandi nogu omubi tamukwataho.

 

Abarumi 8:1-11  Nukwo hati bunu busaho kuchwerwa omusango, hali abo abali omu KRISTO YESU. Baitu ebiragiro ebyo Mwoyo ogwobwomezi omu KRISTO YESU bikandekera omu biragiro ebyekibi nebyokufa. Baitu ebiragiro ekibitarasoboire okukora, baitu bikaba biri bigara obwomubiri, Ruhanga obuyatumire omwanawe wenka omukisisani kyomubiri, ogwekibi, kandi obwekibi akachwera ekibi omusango omu mubiri: nukwo ebyokuhiki'ra ebyebiragiro bihiki're omulitwe, abatarukukuratira omubiri, baitu abakukuratira omwoyo. Baitu abanyakukuratira omubiri, batekereza ebyomubiri.

 

 

 

Ekikaguzo kya Susan:  Omuntu asobora ata kuba wa RUHANGA kandi nakyaikara omunsi enu?

 

Ekigarukwamu kya MUKAMA:  Omulingo gwokwikaramu omunsi hamu nokutaba wensi kiri hali okwega kwebintu-- oli kichweka hali ensi, nokomamu ebintu byensi, ekyabantu bagamba ngu kihikire?  Rundi olimu kwikara omu bantu omunsi, baitu nimuteka enchwamu zanyu hali ekyo ekya NYOWE RUHANGA nkugamba ngu kihikire? Muine enchwamu zokukora obumuikara omunsi enu. Musobora kukora ebintu omumulingo abantu abanyakubetoroire bakomamu kwomeera rundi musobora kuhambya obwomezi obweheriireyo kimu hali NYOWE, RUHANGA wanyu kandi mukoomera hali engenderwaho ZANGE hamu nebiragiro ebirambikirwe kurungi omu kigambo kyange nibwomerwamu habwokwebemberwa kwa MWOYO ARUKWERA. Enu niyo enyahukana eroho hagati yokwomera omunsi hamu nokuba wensi.

 

1 Yohana 2:16  Ebyo ebinyakuli omunsi, okwegomba kwomubiri, hamu nokwegomba kwamaiso, hamu nokwepanka kwobwomezi, tibiri bya ISIITWE, baitu byensi.

 

Zabuli 119:128  Nikyo ntekerereza byona ebyoyegesa ha bigambo byona nti byobulyo: ninoba omuhanda gwona ogwebisuba.

 

Abafilipi 2:15  Nukwo muikale mutaloho ekyokuhanwa, mutanyina itima, abaana ba RUHANGA abatanyina kamogo, hagati omu businge obuhabire oburukwanga, nambere murukuro'rwamu nketabaza omunsi nimukwatira kimu ekigambo kyobwomezi.

 

Abakolosai 2:8  Mwerinde rundi hataba arukubanyaga omu bifirosofo nebyebisuba ebitarumu, okukuratira ebirukwegesebwa abantu, nokukuratira ebyokubanza byensi okutakuratira KRISTO.

  

Ekikaguzo kya Susan:  Omuntu asobora ata kwikara omunda OMUKUGONZA KWAWE buli kiro?

 

Ekigarukwamu kya MUKAMA:  Kinu nikyo ndukwetaaga: okwehayo okwijwire okwobwomeezi bwoona hali OKUGONZA KWANGE OKWIJWIRE, hatali okwehayo okwebichweka. Ebichweka, nikimanyisa obwire obumu rundi obwomuntu ayehuura nasindikwa kukora ekikwisana ekihikire. Okwehayo okwijwire hali Okugonza kwange nukwo okurumwa enjara, kukwatwa iroho ryokurubata kuruga hali Omunyanzigwa WANGE kugya omu mihanda Yange, amananu hamu nokunyetaagira kimu okuijura obwomezi bwawe, ebiteekerezo, omubiri, omwoyo, obwomezi-- okwehayo okumaliriire. Mutekwa kumpereza orusa okuirukaniza obwomezi bwawe,engeri nkurora kisemeriire okubatwara hansi omumiganda yokuhikirra, okubatwara omu pulani YANGE eyomumaiso habwobwomezi bwanyu, hamu nokukora naiwe engeri nkurora kisemeriire, noyesiga omu kuburea okwijwire okwemihanda YANGE EYEKWEBEMBERWA MWOYO WANGE. Okwehayo okwebichweka kuija kubatwara omu kugurukyagurukya, kuba nkomusiru, hamu nemaliira ya byoona kurubatira aheeru yokugonza KWANGE. Kunu nuho abaingi barubatira, abanyakuli koya koya, abanyakubuzire. Omuhanda gwange gwokurubatiramu weena, rundi orarubatiramu nakamu. Mukomemu kiro kinu owumukwenda kuhereza.

 

Matayo 5:6  Banyina omugisa abarumwa enjara nibakwatwa iroho obwokuhiki'ra: baitu abo baliiguta.

Okusukururwa 3:16  Nahabwekyo hati habwokuba oli koya koya, tokufuka kandi tokwokya, ningya kukutanakayo omukanwa kange.

 

Yakobo 1:8  Omuntu owemitima ebiri, atarukugumira omu mihandaye yoona.

 

Yakobo 4:8  Mui're haihi RUHANGA, nauwe alibai'ra haihi. Munabe omungaro zanyu, inywe abasisi, kandi musemeze emitima yanyu, inywe abanyina emitima ebiri.

 

Yoshua 24:15  Kandi obukiraaba nikisisana okuba kibi okuko'ra MUKAMA mwegomboze hati bunu oumurako'raga; rundi abachwezi baisenkuru inywe ababako'raga nseri Yekyambu, rundi abachwezi babamori abamurukuikara omu nsi yabu; baitu ebyange nebyenju yange turako'raga MUKAMA.

 

 

 

Ekikaguzo kya Susan:  Omuntu asobora ata kumanya obwaraaba Ali malikwo omwikiriza rundi tali mwikiriza?

 

Ekigarukwamu kya MUKAMA:  Muhara WANGE, nemizimu eikiriza ngu haroho RUHANGA. Abaana BANGE batekwa malikwo kunseera nemitima yabo yoona. Ninyenda okwekamba okwijwire. Ninyenda okwehayo okwijwire. Ninyenda enkoragana, hatali obwire obwebichweka, enkoragana eyahara-- emu eyekwetebwaho obwekuzooka nkekwetaagisibwa omubuzibu rundi omubwire bwokugumirirwa. Baingi abaana BANGE tibamanyire. Nibateekereza ngu bamanyire habwokuramya kwabo okwa dimu na dimu hamu nomuze gwabo ogwokubunga omumakanisa gabu hamu nomubichweka ebyokuramizamu. Kinu tikikukikiira enkoragana. Omusaija ali mwesigwa hali omukaziwe kakusinga aba nabaza na mukaziwe omurundi gumu rundi ebiri buli wiki? Tinkunyumirwa nakamu omunkoragana eyakaire kagufu. Ninyenda kuba haiguru yabandi boona omubwomezi bwawe. Kinu nikyo ndukwenda. Timusemeriire obukama bwange kakusinga muba nimunteeka hansi yabazaire banyu, abakazi banyu, hamu nabaana. Ekigambo KYANGE tikikugamba kinu? Bwangu ninyizira ekanisa eyenyakweheriireyokimu eyekambire hali NYOWE. Abandi boona baija kuba basigirwe enyuma. Binu nibyo ebiragiro byange, binu nibyo ndukwetaaga okurora nimutaaha omu BUKAMA BWANGE.

 

Luka 9:62  Baitu YESU yamugambira ati busaho muntu obwata omukonogwe ha kyoma ekirima, narora enyuma, asemeriire obukama bwa RUHANGA.

 

Luka 14:26  Omuntu wena obwaija namberendi, atarukunoba Ise wenka, na nyina, namukaziwe nabanabe, na bene babu na banyanya, nukwo nobwomezi bwe wenka, tasobora okuba mwegeswa WANGE.

 

Ebikaguzo Bya Hamu Nebigarukwamu Kuruga Hali RUHANGA-- Ekichweka 5:

 

 

Ekikaguzo kya Susan:  Nikimanyisaki kuba omu Kugonza KWAWE?

 

Ekigarukwamu kya MUKAMA:  Kinu nikyo ekyekikaguzo kikumanyisa: okuba omu Kugonza KWANGE mutekwa kuhayo ebyanyu byoona hali NYOWE, MUKAMA wanyu kandi OMUJUNI WANYU, Kwegomba kukora ebintu omumulingo GWANGE, okuteeka obwomezi bwawe hansi, okweyangisa okugonza kwawe hamu na pulani zawe ezomumaiso, okunteeka haiguru yebindi byoona. Enu eri nchwamu, enchwamu eyokurubata kuruga omukugonza hamu na pulani ezomumaiso ezomunyanzigwa WANGE. Mutekwa kuchwamu nimwenda kuba booha? Nimwenda obwomezi bwanyu kuba BWANGE rundi omunyanzigwa WANGE? Nimbahereza obugabe bunu kukomamu. Butankomamu kiija kuleeta endugirramu embi muno. Kakusinga otankomamu, tosobora kuba kichweka hali obukama BWANGE obwebiro byoona. Gehena niyo kiikaro kindi oihireho obukama BWANGE Obwomuiguru. Nikyo ekiikaro (gehena) ekyabo abatakomamu NYOWE. Kiri kichweka ekikuburwaho oburungi bwa RUHANGA.

 

Marako 8:34  Yayeta namberali ekitebe nabegeswabe, yabagambira ati, omuntu wena omuntu wena anyakugonza okunkuratira, ayeyangise wenka ayetweke omutigwe, ampondere.

 

 

 

Ekikaguzo kya Susan:  Omuntu asobora ata kugumizamu nobwomezi bwe obwamara kwehayo hali Okugonza KWAWE? Asobora ata kumanya ekyokukora?

 

Ekigarukwamu kya MUKAMA:  Muhara WANGE, hati nubwo obwire obwabaana BANGE abehaireyo batekwa kwega okunyesiga, NYOWE RUHANGA wabo. Nsobora kwesigibwa. Batekwa kwija hali NYOWE ekiro kyoona nkengeri omwana aserramu