Ebikaguzo Bya Hamu Nebigarukwamu Kuruga Hali RUHANGA (Ugandan Version) by Susan Davis (most popular novels TXT) 📕

Ebikaguzo Bya Hamu Nebigarukwamu Kuruga Hali RUHANGA-- Ekichweka 1:

Ekikaguzo kya Susan:  Noyenda omukurisitayo amale ata ebiro bye omubwire bunu obwempero?

 

Ekigarukwamu kya MUKAMA:  Gunu nugwo omulingo nkwenda abaana BANGE kumara ebiro byabu. Nimbenda banseere ekiro kyona. Ninyenda begarukemu ekibi kyabo omukiro kyona, omumulingo gunu nibwo basobora kwikaza eganduura zabo nizeera. Okwegarukamu nikyo kisumuruzo. Abaana BANGE batekwa kunseera habwokujunwa kwabo-tiharoho muhanda gundi gwona ogwabantu basobora
kujunirwamu oihireho kuraba omu kujunwa KWANGE. Ninyenda babaze NANYOWE ekiro kyona. Ninyenda kubebembera omukiro kyona kandi kurora kinu kyabaho, ninyenda enkoragana eya haihi muno nabo. Kinu tikikwija kubaho rundi buli banseere omu busumi bwabo obwokuculeera obwekiro kyabo. Kakusinga malikwo noyenda okuntungira obwire, oija kukikora. Abaana abanyakunseera, nibo mpereza omugisa. Haliyo emigisa omu kuseera RUHANGA.

 

Zabuli 24:3-4  Oha alitemba omu rusozi rwa MUKAMA? Oha alyem'era omu kiikarokye ekirukwera? Anyakwine engaro ezisemezibwe nomutima ogusemiire; atakaimukyaga omutimagwe hali ebitarumu.

 

Yakobo 4:7-10  Nukwo mucule're Ruhanga, baitu murwane na setani,kandi alibairuka. Mui're haihi Ruhanga, nauwe alibaira haihi. Munabe omungaro zanyu inywe abasisi, kandi musemeze emitima yanyu, inywe abanyina emitima ebiri. Mutuntule mutere empamo, mu're okuseka kwanyu kufoke empamo, nokusemererwa kwanyu kufoke obujune. Mwebundaze inywenka omu maiso ga Mukama, nauwe alibanyumiza.

 

Abaheburaniya 10:22  tui're Haihi nomutima ogwamazima, omu kwikiriza kwona, tuyina emitima yaitu emisirweho okuihamu omwoyo omubi, kandi nomubiri gwaitu gwogibwe amaizi amarungi.

 

Isaya 1:16  Mwoge, munabe; muiheho obubi obwengeso zanyu omu maiso gange muleke okukora okubi.

 

Okusukururwa 3:19  Engeri nkugonza baingi, ncomera kandi mbahana, nahabwekyo mwegarukemu.

 

Yohana 14:6 YESU yamugambira ati Ninyowe muhanda namananu, nobwomezi: busaho aija hali Isenyowe, rundi araba omuli NYOWE.

 

2 Ekyebyomubusinge 15:2  Yarugayo okutangi'ra Asa, yamugambira ati, mumpu're iwe Asa na Yuda yona na Benyamini: MUKAMA ali nainywe, obumurukuikara nauwe; kandi obumuliba nimumuse'ra alizoka nambere muli, baitu obumulimufuruka, alibasinga inywe.

 

 

Ekikaguzo kya Susan:  Abantu basemeriire kusabira bata abanywani babu ababuzire hamu namaka omu biro binu ebyekiirima?

 

Ekigarukwamu kya MUKAMA:  Gunu nugwo omulingo abaana basemeriire kusaba. Ninyenda baije hali NYOWE nomutima ogukuyayana-- nibaikiriza omumitima yabu ngu nyine ebigarukwamu byona okujuna amaka gabu agabuzire hamu nabanywani. Mungambire ensita zanyu ezebintu ebikusingayo okubatuntuza hali abantu bomumamaka ganyu hamu nabanywani. Mungambire kuruga omu mitima yanyu ebiikaro ebimulimu kurwanagana nabyo kandi muteeke omugugu hali NYOWE. Mungambire engeri mukwikiriza nomutima oguchwekere ngu NINYOWE OMUHANDA gwonka kurora ngu eka yanyu nesobora kujunwa. Mweteranize NANYOWE ebikwatagaine nokusasa kwanyu hamu noburumi hali abagonzebwa banyu ababuzire-- mukireete aha bigere BYANGE buli kiro, nobuhakuba buli saha, kakusinga oragonza-- Ndi RUHANGA owesaaha 24/7-- timbyama-- nyikara ntunuliire kandi nindora hali inywe hamu namaka ganyu. Ekigarukwamu KYANGE kisobora kuba kitalinikyo kyonyini ekimukwikara nimwenda okuhurra rundi okuhikiriza ebigendererwa byanyu-- baitu ndi RUHANGA ARUKWERA, kandi ndora byona, kandi manyire byona kandi manyire kiki ekirungi ekikubasingirayo hamu na Maka ganyu. Ninsobora kurora gaiguru mumaiso, kandi manyire kiki ekya buli omu akwenda-- kakusinga bakwizire hali NYOWE kandi bakahumuza emitwe yabu aha mabega GANGE agakusobora, bakusangire okuhumura habwensi eyokubonabona. Kinu nikyo nkuyayanira: ngu abaana BANGE basobole kunseera hati omu kaikaro akensita, kandi baije mukumanya nkokunihira KWABO kwonka, hamu NOKUYAYANA KWABO OKUKUSINGAYO. Nsobora okuhikiriza ebyetaago byona ebyomwoyo gwomuntu. Ebyetaago byona bisobora kutangatanganirwa kuraba omuli NYOWE. Nyine ebigarukwamu byona ebyokwetaaga kwabantu, otwaliraniizemu nokujunwa kwabagonzebwa babu.

 

Yeremiya 7:23  Baitu nikyo nabaragire ningamba nti muhu're iraka lyange, nanyowe ndiba Ruhanga wanyu, nainywe muliba abantu bange: kandi mugendege omumuhanda gwona ogundukubaragira gube mugisa namberemuli.

 

Zabuli 91:1  Anyakuikara omu kiikaro ekyensita ekyogu anyakuli haiguru muno nuwe araikaraga ha kiituru kyowobusobozi bwona.

 

 

 

Ekikaguzo kya Susan:  Ensi erimu kufwoka yekiirima-- abantu basemeriire kukoraki kurora bahikiira mumaiso Gawe?

 

Ekigarukwamu kya MUKAMA:  Bagambire ngu ndi RUHANGA omwebundaazi owakugonza kandi nsobora kuhikibwaho-- basobora okumpikaho-- kakusinga banyeta. Beete Ibara LYANGE kandi baija kujunwa. Ninyetaaga eganduura ezirukwera, ebijwaro ebirukwera. Kakusinga begarukamu buli kaire, bakaija hali NYOWE nibenda eganduura ezirukwera nokwegomba okuhikiriire, hamu nomutima ogukwegomba okuba na RUHANGA, nubwo ninsobora okuganyira ebibi byabo kandi nkabebembera kubatwara omu mananu kuraba omu kusoma ekigambo KYANGE, EKITABU KYANGE, hamu nokubebembera noMWOYO GWANGE. Batekwa kwija hali NYOWE omu kwehayo okwijwire-- hamu nokwegondeza wenka okumaliriire okuntunga nka MUKAMA wabo kandi omu wenka kandi OMUKAMA. Batekwa okwehayo bonka hali NYOWE otwaliraniizemu na pulani zabu ezomumaiso, emihanda yabu eyomuntu kiinomu, kandi mananukwo kwendera kimu kuba hansi yobusobozi bwange habwobwomezi bwabo. Kinu nikyetagisibwa habwokutekaniza emitima yabu okwija omu bukama BWANGE hamu nokuba oyetekanirize habwokwija KWANGE. Batekwa kwetaaga obwebembezi BWANGE hali obwomeezi bwabu buli kiro kandi na buli kasumi. Nubwo ndasemeza omumitima yabu kandi mbatekemu omutima ogwenyama ogutekanizibwe omu kisisani KYANGE.

 

Engeso zabakwenda 2:21  Kandi kirihika wena alikunga ibara Lya MUKAMA nuwe alijunwa.

 

Abefeso 5:26-27  Abasaija mugonzege bakazi banyu, nka Kristo nauwe okuyagondeze ekanisa kandi yayehayo wenka habwayo; nukwo agyeze obuyamazire okugisemeza nagyogesa amaizi omu kigambo, nukwo agyeretere wenka ekanisa eyekitinisa etanyina kamogo, nobugwakuba omugonya, nobukyakuba ekintu kyona ekirukusisana kiti, baitu ikalege erukwera etaloho musango.

 

Yohana 13:14  Nukwo obundaba nyowe MUKAMA Wanyu, kandi omwegesa, mbanabisize ebigere, kandi nainywe kibahikirire okubanabisa ebigere.

 

Ezekeri 36:26  Kandi nomutima omuhyaka ndigubaha, nomwoyo omuhyaka ndiguta omulinywe: kandi ndiiha omutima gwibale omu mubiri gwanyu, ndibaha omutima ogwenyama.

 

 

 

Ekikaguzo kya Susan:  Omuntu asobora kumanya ata obwaraba ahikiriire Naiwe, kandi malikwo ayetekaniriize okutwarwa KWAWE Okwekanisa?

 

Ekigarukwamu kya MUKAMA:  Gunu nugwo omulingo osobora kumanya kakusinga oraba oyetekanize. Otekwa kwegomba okuba omu Kugonza KWANGE okuhikiriure habwobwomezi bwawe-- nobukiraaba ngu tokumanya kiki kyonyini ekikikumanyisa kinu,--mutekwa okuba nokuyayana okwamaani muno okwokuba omu kugonza KWANGE kandi hatali okugonza kwomunyanzigwa WANGE. Mutekwa okunseera habwokuhindura okugonza kunu. Mutekwa kwija hali NYOWE nemikono eyeyanjuruire-- eyeyanjuruire muno kandi mukangambira ngu mwetekanize okuba omukugonza KWANGE okuhikiriire habwobwomeezi bwawe nobukiraaba kiki kinu ekikikumanyisa. Nubwo munseere buli kiro habwokugonza kunu-- mweheyo hali NYOWE buli kiro, omumutima gwanyu. Mungambire ngu nimwenda okuba BANGE, kandi mutali babandi, mutali bomunyanzigwa, kandi mutali bensi, mutali banyu inywenka,-- baitu mube mweheriireyo kimu mubwijwire hali NYOWE hamu nomukugonza KWANGE okuhikiriire. Kinu nikyo ndukubeetagaho okutekaniza hamu nokwetekaniza. Ngya kubebembera, kakusinga mwija hali NYOWE nomutima ogworobere ogunyakwetekanize okutunga RUHANGA Wawe, okukuhindura okuba omuntu owuwahangirwe okuba; oine ebijuma ebya MWOYO, hamu nokugarurwa buhyaka okwoMWOYO Gwawe okuba omu kisisani KYANGE-- ohikiriire era nengeri ndimu okukusemeza buli kiro. Leka mbe ogu owumukurubata hamu nawe, buli kiro-ninkyegomba kinu. Ndimu kwija bwangu, mukwate ha mukono GWANGE-- mwije murubate no MUHANGI wanyu. Kunu nukwo kyayetagirwe kibe. Mbalindiriire baana BANGE. Mutakerererwa, buli kasumi akamukumara nomunyanzigwa Kali kasumi akokweijukya akokuija kutunga hanyuma yokukizoora omulingo kinuziremu okuba omu kubaho KWANGE.

 

Matayo 7:21  Omuntu wena anyakungambira ati, MUKAMA WANGE, MUKAMA WANGE, tali ogu alitaha omu bukama obwomu iguru; baitu ogu anyakukora Isenyowe ali omu iguru ebyagonza.

 

Matayo 12:50  Baitu anyakukora wena Isenyowe ali omu Iguru ebyagonza, nuwe mugenzi WANGE, nuwe munyanya NYOWE, nuwe mau.

Ebikaguzo Bya Hamu Nebigarukwamu Kuruga Hali RUHANGA-- Ekichweka 2:

 

Ekikaguzo kya Susan:  Omuntu kakusinga aba nayenda okuhikiira na RUHANGA, asobora kukora ata?

 

Ekigarukwamu kya MUKAMA:  Kinu nikyo nkugamba: Baana BANGE: mwege okumanya RUHANGA habwokunseera omukaikaro akensita-- ekiikaro ekyokugendamu kuba wenka hamu na RUHANGA wawe. Ningonza kuba naiwe omukaire kaawe akokuculeera, akokwehayo--- nambere ndi omumaiso omubitekerezo byawe-- ntalekesibwe okuburanganiza kwebintu ebyokukora ekiro ekyo. Nseera omumulingo gunu kandi ndazooka. Wegarukemu ekibi kandi kikole buli kiro buli kaire engeri ndi RUHANGA ARUKWERA kandi ninyetaaga okuhikiira hamu noburukwera. Nkuteriireho omuhanda ogwawe okunsanga-- habwokujunwa okwomusaahi gwange,okunaguzire kuraba omu kihongwa ekigumire aha musaraba ogugumire. Musobora kwija omu kubaho KWANGE hati habwokuba nkasasurra omugendo gwobugabe bunu. Mwije kandi musobole okumanya--- tindi hara muno yomuntu weena, kandi ninyayana kubamanya. Obwire bugufu-- mutabusisira aha kuhambya ensi, busamu kantu, kandi nenaku yonka niyo mukugya kutunga mutali NANYOWE. Mpereza okwijuraana kwobwomeezi hamu nengonzi ezitahwaho. Ija obe haihi NANYOWE kandi ndakwebembera namaizi agarungi. Kunu kuli kwetaaga kwange habwobwomeezi bwanyu. NINYOWE mbalize.

 

Zabuli 91:1-2  Anyakwikara omu kiikaro ekyensita ekyogu anyakuli haiguru muno Nuwe araikaraga ha kiituru kyowobusobozi bwona. Ndigamba ha MUKAMA nti ogu nikyo kyokwebingamu kyange, nekikomero KYANGE, RUHANGA wange oundukwesiga.

 

Zabuli 81:7  Okakunga obwokaba oli omu bujune, nanyowe nakujuna; nakugarukamu omu kiikaro ekyensita nambere iguru lihinda: Nakulenga ha maizi aga meriba.

 

Zabuli 23:2  Ambyamya omu irisizo eryobunyansi obuto: anyebembera ahali amaizi agokuhura.

 

Matayo 7:23  NYOWE ndibagarukamu ningamba nti, Tinkabamanyaga inywe; murugeho nambere ndi inywena abakora ebyokwema.

 

 

 

Ekikaguzo kya Susan:  Ensi erimu kufwokera kimu yekiirima-- tusobora tuta kufuga obutiini bwaitu?

 

Ekigarukwamu kya MUKAMA:  Nkinu ekigarukwamu: Ninsobora okukwata obutiini bwanyu-- mubuteeke aha mabega GANGE-- muheyo obutiini bwanyu byoona hali NYOWE kandi mumpereze akagisa mpindule emitima yanyu. Tinsobora kwikara nimpindura embeera zanyu habwokuba nyina pulani zobwomeezi bwabantu kandi nebintu ebimu tibisobora kuhindurwa baitu mwesige omuli NYOWE, kandi ninsobora kubasumurra kuruga omu nyehurra eyobutiini hamu nokuhwibwamu okunihira nobuhakuba omumbeera ezikusingayo obubi. Abeegi BANGE bakazina obubaali bali omunkomo. Kinu nikirugiira omu businge bwa RUHANGA-- obusinge nkoobu butoho bwanyu nahati. Muheyo ebyanyu byoona hali NYOWE hamu nobutiini bwanyu kandi ngya kukwoleka ngu ndi RUHANGA owakusobora kwesigibwa.

 

Yakobo 4:7  Nukwo mucure're RUHANGA, baitu murwane na setani, kandi alibairuka.

 

Zabuli 7:1  Ai MUKAMA RUHANGA wange, niwe ndukwesiga. Onjune hali bona abarukumpiiga, onjune.

 

Zabuli 56:11  Ruhanga Nuwe nyesigire, tinditiina, abantu nibasobora kunkora ki?

 

Engeso zabakwenda 16:25  Baitu ekiro omuitumbi, Paulo na Sira bakaba nibasaba nibazinira RUHANGA ebizina kandi abanyankomo bakabahurra.

 

 

 

Ekikaguzo kya Susan:  Tusobora tuta kwerinda omumwoyo kuruga hali okutwarwa ensi?

 

Ekigarukwamu Kya MUKAMA:  Kinu nikyo mutekwa kukora: mwikaze amaiso ganyu hali NYOWE, RUHANGA Wanyu. Mutagaikaize hali NYOWE, muija kufworwa nyama hali emirimo yo'munyanzigwa WANGE kandi aija kwiba, okwita hamu nokuhwerekereza. Muteke amaiso goona hali RUHANGA wanyu kandi nimugya kuba nimusobora kurwanisa okusikwa kwensi. Manyire ebizibu ebibalindiriire baitu-- ninkira ebyo byoona, nahabwekyo leka mbe NINYOWE owakubaroreera omubimukurabamu byoona. Mumale obwire muli NANYOWE. Mwije omu kumanya nkowanyakusemeriire okumanywa. Ngya kubebembera nimbatwara mukiikaro ekyahaiguru kandi nimbasika nimbaiha omubintu ebyensi ebikubasikiriza hali NYOWE. Ninyenda omugole owanyakwine amaiso ge goona hali NYOWE nyenka.

 

Yohana 10:10  Omusuma taija, rundi okuiba, nokuita nokuhwerekereza: NYOWE nkaija zibe nobwomeezi kandi zibe nabwo obwingi.

 

Ekyebiragiro 4:29  Baitu oku obumuliba nimuse'ra MUKAMA RUHANGA wawe oli mubona, obwolimuseera nomutima gwawe gwoona nobwomezi bwawe bwona.

 

 

 

Ekikaguzo kya Susan:  Kiki ekisobora kukorwa kuhikaho naabo abakyasingireyo kurwanisa enjiri eyeeka yaitu?

 

Ekigarukwamu kya MUKAMA:  Obworaaba oine omuntu weena owatarukwenda obutumwa BWANGE, owanyakukuli haihi-- ikazaho okwikiriza Kwawe nobukiraaba kiki kandi otabaikiriza kukumaramu amaani. Abaana BANGE abatangonza malikwo tibarukumanya. Kakusinga abantu malikwo bali bamanyire RUHANGA wabo, tibakubaire nibaleka engonzi zabo ezihikire zimu zonka ezihingisibwemu ekintu ekyobunaku-- ensi eyetalimu kantu, hamu nomunyanzigwa owakwenda kubarora muhwerekeriire. Musabire abantu mubwomezi bwanyu abanyakurwanisa obutumwa BWANGE. Mubaheyo omukuroreera KWANGE kandi ndahurra esaara zanyu. Mwemerre omukiikaro kyemyoyo yabo, mubasabire omubyahandiikirwe, kandi ogumye okukizibwa hali emitima yabo kandi NANYOWE RUHANGA wabo okubakingura hamu nokubebembera nimbagaara hamananu agebiro byoona. Lemeraho ogumisirize kandi otaikiriza omunyanzigwa kukumara amaani. Ningya kubasembeza engeri muragumizamu nimubasabira muno emyoyo enu enyakubuzire. Kinu nikyo ekinkusingayo kwenda: kuba nabaana BANGE, okuhikaho abanyakubuzire hamu nokubacungura kuruga muli gehena eyebiro byoona hamu nokufwerwa. Okumarwamu amaani nikugya kwija, baitu nobusinguzi buroho babukwasire abo abanyakubaza obwomezi, okwesiga, abanyakulinda okwikiriza kwabo, bakagumisiriza, kandi bakakwatirira OKUNIHIRA KWABO kwonka, RUHANGA wabo.

 

Ezekeri 22:30  Kandi nkase'ra omuntu omulibo owokuzitira orugo nokwemera omu kihuru omu maiso gange habwensi, ndeke okugihwerekereza: baitu ntabone nomu.

 

Engeso zabakwenda 16:14  Kandi omukazi omu Ibaralye Ludiya, omuguzi worugoye orurukuganjuka, owomurubuga Suatira, ayaramyaga RUHANGA, yatuhurra; MUKAMA waitu yaigura omutima gwe okuhwituka ebigambo Paulo ebiyabalize.

 

 

 

Ekikaguzo kya Susan:  Omuntu asobora ata kusingura setani?

 

Ekigarukwamu kya MUKAMA:  Gunu nugwo omulingo omuntu wena engeri asobora kusingura sitani:-- kikuru muno kuba omu KUGONZA KWANGE--- kinu nikyo ekikozeso ekikusingayo ekyokurwanisa omunyanzigwa. Kakusinga orubata okaruga omukugonza kwe--- naba atakyaine okulema kwona haliiwe. Ofwokere kyobuguuda KYANGE, hansi yokwebemberwa KWANGE, Nokufuga KWANGE. Tokyali yomunyanzigwa , kukora emirimoye. Ningya kufuga obwomezi bwawe, kandi nkutwale omu mihanda YANGE eyenyakuhikiriire. Gunu guli mulimo gwange okukora. Leka abantu bakimanye.

 

Yakobo 4:7  Nukwo mucule're RUHANGA Baitu murwane na setani kandi alibairuka