Marriage Supper of the Lamb (Ugandan version) by Susan Davis (best thriller novels of all time txt) 📕

Zabuli 91:1 Anyakwikara omukiikaro ekyensita ekyogu anyakuli haiguru muno nuwe araikaraga ha kiituru kyowobusobozi bwona.

Omubiri gulisibwa okumakanisa baitu omubiri gunu tigusobora mananukwo kukora kurungi gutatungire okulisibwa okumpereza omukaikaro akensita hamu nomubwire obumazirwe omukumanya omumulingo ogwenziha. Kunu niho mananukwo omubiri gwombekerwa.

Kunu niho mperereza okugonza kwange nebigambo byange hali entaama zange kandi mbasobozesa kusingura ebyomunyanzigwa WANGE alengaho kukora kuleeta akabi. Kiri habwokuba nenkoragana nanyowe kurorangu nimusobora kuraba nokusingura emihito nebizibu byobwomezi. Kakusinga ogenda wenka, ogya kurwanisa kandi olemwe. Habwokuba tokumanya kiki ekindukwenda kandi ndi muchwi womusango wabyoona omukumaliirra. Osobora ota kuteekaniza okuntangaana omukuchwerwa omusango obworaba otakaijaga haihi nanyowe kandi otakegaga ekindukukwetagaho? Obwolintunu'ra mumaiso otabaire na nkoragana nanyowe oliba otaine kantu koona mungaro habwokuba ogumiire hali enyikiriza zaawe, enteekereza zawe, nokugonza kwawe kandi oligwa muno. Olifwika otatungire emanyikirizo.

Abarumi 14:12 Nikwo itwena tulyetonganira omu omu hali RUHANGA.

Mutabihwabihwa. Baingi abakwetwa abebembezi bange tibamara obwire nanyowe, kandi nabo tibarubatira omukugonza kwange, kandi Bali nkomufu wamaiso nayebembera omufu wamaiso nibasirimuka hansi omukuhwerekera. Baingi balihuniira nkokubabaire babuziibwe habwokuba besigire abo abatarukumanya kandi nabo babihabihirwe muno. Tosobora okwesiga omubintu ebirukuzooka nkebihikire omunsi.

Oine okwehayo hali NYOWE. Hayo ebyawe byona kandi onseere nomutima gwawe gwona. Kinu nikyo ndukwenda. Ekigambo kyange kibaza amananu ganu. Kisome kurungi oyerolere. Abebembezi bange,abaingi muno bagonza ensi nemihanda yayo Bahabwekyo bahindura ekyebigambo byange bikumanyisa babihindura nukwo bahurre kurungi omukweziringura nensi. Ensi munyanzigwa WANGE. Soma ekigambo kyange.

Amananu ganu tigaserekerwe. Timusobora Kugonza ensi nanyowe gamurundi gumu. Nyetegerezibwe hali kinu? O' ego muli omunsi, baitu kwine okumpondera hamu nemiganda yange mukyali omunsi.

Yakobo 4:4 Inywe abakazi abasihani timumanyire ngu okuganjana okwensi nubwo bunyanzigwa na RUHANGA? Nukwo omuntu weena anyakugonza okuba enganjani yensi buli ayefoire omunyanzigwa wa RUHANGA.

Haroho ebiikusikiriza buli hokuhindukira hoona ebikugya kubaiha omukuseera enkoragana nanyowe. Mwine okuba nekihika ekyokwenda okumara obwire nanyowe kukira ebikusikiriza ebyensi. Nimutekaniriza ebintu ebyahansi ebitainemu kantu kakuba muhambya ebintu ebyensi okukira kuba nenkoragana nomuhangi wobwomezi bwona -omuhangi waanyu, ayahangire enyunyuzi n'eiguru.

Abaheburaniya 10:38-39 Baitu tituli bokwehinya enyuma omukuhwereke'ra baitu tuli bokuikiriza okwokujuna obwomezi. Baitu owange anyakuhikirire aliba mwomezi obwokuikiriza. Kandi obwayehinya enyuma, omutima gwange tigukusemererwa omuluwe.

Otatunda orugendo rwawe orwekitinisa orutahwaho orwokurubata nanyowe, omuhangi kandi owanyakwikazaho obwomezi bwona okutunga ebintu byensi ebitaine beyi.

Ebyokuhambya omunsi kuli kwigusibwa okutaroho, hamu nokufwa. Okomamu emaliira yawe, notekereza ngu noteekaho omuhanda gwawe, notekereza nimpa omugisa ebyokuchwamu byanyu. Timwizire okuumanya omunkoragana. Kakusinga mwizire mwakwegere ekyahukaineho. Mubihabihirwe emihanda eyensi nomunyanzigwa WANGE oworugezigezi. Asobora hakire okwenda oyekolere ekyokwikiriza ngu kirungi otali na NYOWE. Kinu tinsobora kukiha omugisa. Era abaana bange bahuniira habwaki bagwa omubizibu biingi. Okubihwabihwa okubi muno okurukusingayo okwo' munyanzigwa wange nukwo okwikiriza ngu buli kimu kiri kurungi obwoba otali omunkoragana eyamani nanyowe. Kunu nikwo kubihwabihwa okwamani okukusingayo. Byona bizooka kurungi baitu obwolintaangaana, ndikugambira nti--nduga mukaiso iwe enkozi yebibi, ntakumanye.

Matayo 7:21 Omuntu weena anyakungambira ati: Mukama WANGE, Mukama WANGE, tali ogu alitaaha omu bukama obwomu iguru, baitu ogu anyakukora Isenyowe ali omu iguru ebyagonza.

Baingi balingambira ha kiro kiri ngu MUKAMA waitu, MUKAMA waitu, Tutagambire omu ibara lyawe? Tutabinge kizimu omu ibara lyawe? Tutakole byamahano biingi omu ibara lyawe? NYOWE ndibagarukamu ningamba nti, tinkabamanyaga inywe: murugeho nambere ndi inywena abakora ebyokwema.

Ego kinu kigambo kyange. Ntabahange kurubata inywenka mutali nanyowe hamu nokuseera emihanda yanyu mutaizire okunyehabuzago. Ego nimusobora kukora ebintu binu habwokuba mwine obugabe omubimukugonza, baitu timuli omukugonza kwange kandi nimunsisira.

Mpeereza abaana bange obugabe kukora ebibakugonza kandi basobora kukomamu kunseera omunkoragana nokwesiga okulindwa kwange rundi nibasobora okunyiruka bakandugaho.

Abaana bange obubandugaho bakaruga omu Kugonza kwange, bakaseera pulani zaabu, baba nibarwanisa pulani zobukama bwange kandi kinu kibi. Behikyaho okuhwereke'ra okubatamanyire, habwokuba bateekerize ngu nibasobora kwomeera obwomezi bwabo bonka bali aheeru yokugonza kwange okurungi na pulani zange. Beeretera ebizibu hamu nabandi. Beereka bataine bulinzi hali emitego, nobukodyo bwomunyanzigwa. Baana bange oihireho NYOWE, Muli busa, timwine kimuli hali omunyanzigwa WANGE oworugezigezi. Mutatekereza ngu muli bagezi muno, timwine mugaso mutali nanyowe. Habwaki ngamba abo abanyakwine okwikiriza nkokwabaana abato nibo baligwetwa obukama bwa RUHANGA? Habwokuba abaana abo betegereza nkokubarukunyeetaga buli kaire, nkoku omwana ahindukira omuzaire we, buli kasumi. Omwana omuto amanyire ngu nambere omuzaire atali, ali mukabi kamaani muno, nkooku abaana bange bamanyangu nambere ntali, nabo bali mukabi kaamani muno kandi beesiga omuli buli kigambo kyange. Nikyo mpabulira abaana bange okwikara muno omukigambo kyange, nambere amakuru goona amarungi gali.

Ebigarukwamu byoona ebyokwomera obwomezi bunu bihairwe omukigambo kyange.

Nkahayo ekitabu kinu nkekyokuhabura hali abantu boona. OMWOYO WANGE asuukura amananu mumpapura zaakyo. Omukwehayo kwonka hamu nokutunga OMWOYO WANGE omubwijwire, niho honka ogenda kutungira okwetegereza okwamananu, okwebigambo byange. Tikuli habwokwegesa okwabantu, haitu habwa MWOYO WANGE ebigambo bikura omumitima yanyu. Habwa OMWOYO WANGE wenka nubwo musobora kutunga ekyererezi kyobwomezi ekyekitabu kyange.

Matayo 18:4 Nukwo weena aliculeera nkomwana onu omuto nuwe mukuru omubukama obwomu iguru.

1 Abakorinso 2:11-14 Baitu muntu ki amanyire ebyomuntu, rundi omwoyo ogwomuntu oguli omuluwe? Nukwo busaho amanyire ebya RUHANGA rundi OMWOYO WA RUHANGA. Baitu itwe tutahabwe Omwoyo ogwensi rundi omwoyo oguruga hali RUHANGA: nukwo tumanye ebi RUHANGA ebyatuhera busa. Kandi nibyo tugamba, hatali omubigambo amagezi gabantu ebigegesa, baitu omwebi OMWOYO ebyayegesa obutuinganinganiza ebyomwoyo n'ebyomwoyo, Baitu omuntu owokuzarwa kwonka taikiriza ebyomwoyo ogwa RUHANGA Baitu uwe wenka tayetegerezebwa nomu. Baitu biba byobutami haluwe; kandi tasobora okubimanya, baitu nibyetegerezebwa ebyomwoyo.

Ensi eijwire okubihwabihwa hati. Otafworwa musiru habwekibi ekikozirwe omunyanzigwa wange. Asobora hakiri kuleka okaikiriza habwobutumwa otunga buli kiro ngu nosobora kwesiga ebintu byensi. Nimwesiga ebindi byoona baitu NYOWE omugabi wobwomezi timukunyesiga. Mwesiga sente, okusoma, obulinzi bwensi, gavumenti, obu buyambi bwebisuba kandi bulinzi bwebisuba. Kunu kuli kuhiiha okwekika kyahaiguru kandi kiiha abaana bange hali NYOWE. Abaana bange era bagurukyagurukya omukunyesiga. Bampindukiraho kataito bongera besiga ebindi. Enu Teri nkoragana. Ego mwine enkoragana n'ensi hamu nebyokwetaaga byanyu, baitu hatali nanyowe. Nimwetaaga kwija hali NYOWE kandi muteeke ebyanyu byoona hali NYOWE.

Timusobora kumanya mumananu kuhikya muteekere harubaju obulinzi bwanyu obwensi kandi mukaija hali NYOWE nimuseera enkoragana. Ekintu ekindi kyoona oihireho enkoragana enu, kiri koyakoya kandi tinsobora kutamu kitinisa enkoragana eya koyakoya. Baingi muno balihuniira obubalintunulirra kandi bakakizoora ngu okuzina nensi hamu nokumara akaire kataito nanyowe kiribaikaza aheeru yobukaka Bwange. Baingi balihuniira.

Okusukururwa 3:16 Nahabweki habwokuba muli koya koya, kandi timukufuka oba kwokya, ningya kubatanakayo omukanwa kange.

Kiki ekindukwenda ne kinkunihira hali abaana bange? Ninyenda obwomezi bwabo. Nimbwenda bwona mubwijwire. Okuzina nensi hamu nokuzina nanyowe ekyo kibi. Soma ekigambo kyange. O' baingi basoma ekigambo kyange kandi baihamu ebibakwenda nukwo basemeze, nukwo basobole okunyumirwa ensi kandi behuurre ngu nibasobora kutaaha omu bukama bwange obwomezi bwabo obubulihwayo.

Okwekanga hali abo abanyakukizoora ngu ntaangirra abo bonka abanyakumpa ebyabo byona-abahongereyo ebyabo byona. Ebyokuhambya obuguuda, okumanywa, ebintu byobuguuda byona byali byahusa kandi hanyuma yebyo byoona bikwikaza aheeru yobukama bwange. Okugonza kwabu no kupulaninga kwabu bibaletiire okuraba ahamuhanda oguli aheeru yokugonza kwange hamu naheeru ya pulani zange ezobwomezi bwabu-obwomezi obunahangire.

Obwomezi obunabahaire kandi obunyikazaho.

O' ego busaho nomu anyakwomeera kandi akaikya bulk kiro rundi buli nkikirize. Enu niyo nsonga habwaki abaana bange tibasemeriire kwekakasa pulani zaabo zitali mukugonza kwange hamu nebigendererwa byabu ebihikire ebyobwomezi bwabu.

Nsobora kutwara obwomezi bwona obunkomeremu mukugonza kwange. Busaho nomu aikara aheeru yenchwamu zange habwomezi bwabu. Mpereza kandi ntwara nkokundora kisemeriire nkokungonza. Nikyo habwaki kiri kyobusiru muno obwabantu bahangaho pulani zaabu kandi bakakora omuhanda gwabu batali mukugonza kwange habwobwomezi bwabo. Bunu buraira bwemyepanko nobusiru kandi kiri kibi. Guli muhanda gwomunyanzigwa WANGE okwebembera entaama zange kuzibuza ahamuhanda ogwokuhwerekerra habwebikusisana ebirungi kandi ebihikire. Enu eri pulani eyokubihabiha kwomunyanzigwa okubiiha baingi.

Yobu 12:10 Omu mukonogwe nuho haroho obwomezi obwekintu kyoona ekyomezi norwoya orwabantu boona.

Zahuli 104:29 Osweka amaiso gaawe, bituntura. Obiihamu orwoya rwabyo, bifa bigaruka omu cucu yabyo.

Muhara WANGE, Nyetekanize okukuha ebigambo. Huliliza kurungi obundukubaza. Hati ninyenda kugenda hamakuru agahyaka. Ninyenda kubazaho aha kyokutendekwa omukwebundaza. Gunu nugwo omuhanda ogwabebundaize. Omutima oguculeire ogutekaine nibo abebundazi bange. Barubata baculeire, batakusera ekikaro oba akagisa. Banse'ra mumiringo yona. Baikara nibasera RUHANGA wabo. Tibagonza kuba hagati. Tibagonza kesera kurorwa abantu oba kumanyirirwa.

Betaga kugonzebwa hamu nokurolerebwa nyowe nyenka, RUHANGA wabu. Banyesiga kandi mbarole'ra. Ntangatangana ebyokunihira byabu. Mbaha ebyetago byabu. Mbaletera ebintu byona ebibarukwetaga okwomera. Ninyowe mwandara gwabu. Nyikara ndi mwesigwa hali abahereza bange abebundaize. Mbaletera obusinge hamu nokutekana omuihunga lyona.

Nyikara harubaju rwabu mpondera,ningonza kwikara nimbahereza. Ngonza abahereza bange abebundaize. Bali kahoho akasemire hali nyowe. Mbagonza kandi mbagonza. Titukwahukanizibwamu. NINYOWE rwoya rwabu. Bamyangasana nkenyunyuzi. Tibasera emihanda eyensi. Mbaikaza banihire. Ensi tebaineho kakwataine kona. Bansera okwetaga kuniha kandi mbaletera ekibarukwetaga. Tibakuurwa. Bataito barubatira hamuhanda gunu. Bataito abagusanga. Abo abagusanga basanga omuhanda ogukutwara omubukama bwange obutahwaho.

1 Petero 5:6 Nukwo mwebundazege omumukono gwamani ogwa RUHANGA abanyumize omumpiko yobusumi.

Abahereza bange abebundaize bahuliliza iraka lyange. Barubata obumbaragira kandi bahereza obumbetaga kuhereza nomutima ogusemerirwe. Bagonza kuhereza omubukama bwange. Banihire, nibahereza omukama wabo kandi mbaletera omuhimbo nobusinge.

Okugonza kwange kubasirimukaho. Tibaburwaho. Okuba mwebundazi otekwa kwetwara-omukikaro ekyokusembayo, otakwetaga ekikaro ekyokubanza. Amagezi nigo gasembayo hatali nigo kubanza. Abasiru baseera ekikaro kyokubanza. Abahereza bange abebundaize bagezi kandi bamanyire ekikunsemeza NYOWE RUHANGA wabo. Abaana bange nibo abebundaize Abensi etakumanyirira, rundi etarukurora, baserekerwe, tibali mumaiso gensi.

Tibaine kikaro omunsi munu baitu omubukama bwange, nibo bebembera kandi bafuga. Bahairwe ekitinisa omubukama bwange. Mpereza ekitinisa abebundazi bange. Baika'ra nanyowe hantebe yange eyekitinisa eyomwiguru kandi banyumirwa okubaho kwange. Abebundaize abetwara bokusembayo omubwomezi bunu, banyumirwa ebikaro omubukama bwange. Baimukiibwe haiguru kandi batwarwa omubitinisa habwobwomezi bwabo obwokwebundaza omunsi. Banu bandetera omuhimbo kandi mbaletera obusinge, obusinge obutahwaho.

Marako 10:31 Baitu baingi, abokubanza baliba abenyuma nabenyuma baliba abokubanza.

Ndubata nabebundaize kandi nyemanyisa halubo. Kinu nikyo kisembo kyange habwekyonzira kyabo. Okugonza kwabu hali NYOWE kuli kahoho akakunulira kandi ngya kubaha ekitinisa.

Okwebundaza nugwo muhanda mubukama bwa RUHANGA. Buli omu wena mubukama bwange aijwire okwebundaza. Emyepanko tesobora kutahamu. Teine kikaro mubukama bwange, okwehayo okwobusinge kwonka hali nyowe RUHANGA.

Bunu nubwo obukama bwange, bwijwire okwebundaza okuculire nambere boona baigusibwe nokugonza hamu noburungi obukubooga. Busaho nomu owataigusibwe nobwomezi bwabo omwiguru. Okunihira kwonka nobusinge bukanyire. Ensi enu ebooga nokugonza.

1 Yohana 2:16

Leka tutandike Muhara wange. (Okwakabiri 7, 2012)

Kiro kinu, Mwana wange, nitugenda kusweka orugendo oruhyaka. Ninyenda kubazaho okwesiga muli Ruhanga. Abaana bange tibakunyesiga. Bagamba ngu banyesiga, baitu emitima yabu eri hara YANGE. Nibeyesiga. Kinu kibi. Besiga ensi, nebintu byensi. Tibakurubatira Mumuhanda gwange habwokuba tibakugwesiga.

Singa banyesiga, bakubaire nibarubatira omumuhanda gwange, omukugonza KWANGE. Mumihanda YANGE, enungi. Basera emihanda endi eyokugendamu. Barubatira omumihanda endi. Basera habwebigarukwamu byabu kuraba mu sente, kumanywa, ebintu byobugaiga, obulinzi, engonzi, nokusemezibwa---byona, baitu NYOWE RUHANGA wabu!

Niboomera mukisuba obubakugamba ngu nibanyesiga kandi nibase'ra ebigarukwamu omunsi. Bisuba byona, bisuba. "Kwesiga muli RUHANGA" bagamba baitu tibahayo obwomezi bwabo bwona hali NYOWE kandi bagumizamu okukwatiri'ra hali ensi, kutunga ebigarukwamu, baikara babihirwe ekisuba kandi nokukirora tibakukirora.

Ego mpereza abaana BANGE mubwijwire. Naga enjura kandi nyakisa omusana hali abahikirire n'enkozi z'ebibi. Baitu abaana BANGE tibasobora kugamba ngu banyesiga kandi bakagumizamu kukora obusihani hali NYOWE n'ensi. Kinu kijumo. Ngonza abaana abanyakuhayo obwomezi bwabo hali NYOWE Omukwehayo okwijwire kandi bakateka okwesiga kwabu kwona muli NYOWE, nibateka harubaju pulani zabu ezomumaiso kandi bakesiga omukugonza KWANGE, okuhikirire habwo'bwomezi bwabu.

Tibarukwetagisa kurwanisa n'okutalibana,n'okwerarikira hali nyenkya kakusinga baba Bali omukugonza KWANGE. Tindole'ra ebinyonyi? Kandi hati abaana bange abanyakumpa ebyabu byona kandi bakanyesiga, Tindikukiraho?

Matayo 5:44-45 Baitu