Marriage Supper of the Lamb (Urdu -Pakistan version) by Susan Davis (inspirational books for women txt) 📕

نہ تو گرم ہے نہ سرد بلکہ نِیم گرم ہے اِس لِئے مَیں تُجھے اپنے مُنہ سے نِکال پھینکنے کو ہُوں۔

 

سو! صرف کلیسیاؤں کے رہنماؤں کو نہیں بلکہ کلیسیا کو خُود بھی سچائی کو جاننا چاہئیے۔ اور تُمہیں مُجھے ڈُھونڈنے کے لئیے مُکمل سچ کو جاننا ہے۔ تُمہیں میرا کلام پڑھنا ہے۔ تُمہیں میرے سامنے جُھکنا ہے اور مُجھ سے سچے دِل سے توبہ کر کے پاگ روح مانگنا ہے۔ میرے ساتھ اپنے رِشتے کو اور مظبوط کرنا ہے۔ میرے علاوہ اور کوئی راہ نہیں۔ میں پورے عزم کے ساتھ مُجھے ڈُھونڈنے والوں کو مِل جاتا ہوں۔ میں تُمہیں عزم اور سچائی سے بھری ہوئی ایک نئی زِندگی دُوں گا۔ اور پِھر تُمہاری آنکھیں کھُل جائیں گی اور تُم تمام سچ جان پاؤ گے۔ تُم جانو گے کہ میری بادشاہی میں داخِل ہونے کے لئیے کیا ضروری ہے۔ میری کلیسیا کھوئی ہوئی ہے اور اِدھر اُدھر بھٹک رہی ہے۔ وہ میرے فرمان اور میری راہ کو نہیں جانتے۔ وہ نجات کے لئیے راستہ تلاش تو کرتے ہیں اور پِھر اُسی میں اپنے آپ کو بہتر سمجھتے ہیں۔ لیکن بہت کم ہیں جو اصل سچائی جانتے ہیں۔ بہت کم جاننا چاہتے ہیں۔ اصل سچائی کہ میرا کلام کیا کہتا ہے۔ وہ اپنے فائدہ کے لئیے جُھوٹی کہانیاں بناتے ہیں۔ وہ مُجھے نہیں جانتے کہ میں کون ہوں۔ وہ صِرف سوچتے ہیں کہ وہ مُجھے جانتے ہیں۔ بہت سے ہیں جو میرے پیچھے چلنے کا دعوی کرتے ہیں لیکن مُجھے جانتے ہی نہیں۔ بہت سے میرے ساتھ دوہراہ رِشتہ بنائے ہوئے ہیں۔ اُن کو نہیں معلوم کہ اگر میں اُن کا خُدا ہوں تو اِس کا کیا مطلب ہے۔

رہنماؤں کو جب میری ضرورت پڑتی یے تو وہ میرے آگے جُھک جاتے ہیں۔

 

متی 7 باب 21 تا 23 آیات :

21 جو مُجھ سے اَے خُداوند اَے خُداوند کہتے ہیں اُن میں سے ہر ایک آسمان کی بادشاہی میں داخِل نہ ہوگا مگر وُہی جو میرے آسمانی باپ کی مرضی پر چلتا ہے۔

22 اُس دِن بہُتیرے مُجھ سے کہیں گے اَے خُداوند اَے خُداوند! کیا ہم نے تیرے نام سے نبُوّت نہِیں کی اور تیرے نام سے بَدرُوحوں کو نہِیں نِکالا اور تیرے نام سے بہُت سے مُعجِزے نہِیں دِکھائے؟

23 اُس وقت میں اُن سے صاف کہہ دُوں گا کہ میری کبھی تُم سے واقفِیت نہ تھی اَے بدکارو میرے پاس سے چلے جاؤ۔

 

یہ وہ سچ ہے جو میرے دِل کو بہت دُکھاتا ہے۔ میں نے اپنے بچوں کو پیدا کِیا کہ میرے ساتھ رفاقت رکھیں، کہ میرے ساتھ میری راہ پر چلیں۔ اب بھی یہ دُنیا اُنھیں پریشان کرتی یے اور وہ پِھر بھی آ کے اپنے خالِق کو سمجھنا نہیں چاہتے۔ میرے لوگ میرے خلاف سازش کا شکار ہو چُکے ہیں۔ اور میرے یعنی اپنے خالق اور بنانے والے کے مُخالِف ہیں۔ یہ بیشک کِتنے دُکھ کی بات ہے۔ میرے بچو! تُم کیوں پاکیزگی نہیں چاہتے۔ میں تُمہاری پہلی سوچ بننا چاہتا ہوں۔ تُمہاری پہلی مُحبت، پہلا رُتبہ اور ہر ایک جگہ پر صِرف میں ہوں۔ تُم اِسی لئیے پیدا کئیے گئے ہو تاکہ میرے ساتھ رہو۔ تُم کِس کے ساتھ اپنا رِشتہ رکھنا چاہتے ہو؟ میرے ساتھ یا میرے دُشمن کے ساتھ؟ تُمہیں آج یہ سوال خُود سے کرنا ہے۔ میرا پیار ہر اِنسان سے زیادہ گہرا ہے۔ تھوڑی دیر کی تسلی کے لئیے اپنے آپ کو مت بیچو۔ تُمہیں مُجھ جیسا پیار اور کہیں سے نہیں مِلے گا۔ میرے بچو! تُمہیں مُجھے اپنے پورے دِل اور روح سے ڈھونڈنا ہے۔ یہ جاننا ہے کہ میں تُمہاری زِندگی میں کیا جگہ رکھتا ہوں۔ کیا میرا رِشتہ دِکھاوے کا ہے؟ یا مضبوط رِشتہ ہے؟ کیا میں تُمہاری زِندگی میں کوئی بُنیادی مرکز نہیں رکھتا؟

میں تُمہارا اِنتظار کر رہا ہوں۔ میرے بازو تُمہارے لئیے کُھلے ہیں کہ کب تُم آؤ اور میں تُمہیں گلے سے لگاؤں۔ وقت آ پہنچا ہے ایک اہم فیصلے کا۔ کیا تُم میری دُلہن بننا چاہتے ہو؟ وہ جو صِرف میری ہے۔ وہ میرا اِنتظار کرتی ہے، وہ صِرف مُجھے تکتی یے۔ میں وہ نہیں جِس کو وہ صِرف مُشکل میں پُکارتی ہے۔ بلکہ ہمارا رِشتہ بہت مضبوط ہے۔ جہاں میں جاتا ہوں وہ بھی جاتی ہے۔ ہم ایک ہیں۔ میرے بچو! میں تُم پر چھوڑتا ہوں کہ تُم کیا چاہتے ہو۔

 

 

 

https://www.youtube.com/watch?v=CpR3yJHxtzQ

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

باب 10

دُنیا کی ہوّس

 

ہاں میری بیٹی! ہم پِھر سے شروع کرتے ہیں۔  آج ہم اِس گُناہ کے بارے میں بات کریں گے جو اِنسان کے دِل کے اندر پیدا ہوتا ہے۔ اور یہ اِس دُنیا کی ہوّس ہے۔ اِس دُنیا کے تمام رِشتے شیطانی ہیں۔ شیطانی لوگ، شیطانی کاموں کو پسند کرتے ہیں۔ یہ دُنیا میری مرضی نہیں سمجھتی سو یہ میری مرضی پر نہیں چلتی۔ یہ دُنیا مُجھے جاننے کا اِقرار کرتی ہے مگر وہ مُجھ سے اور میری سچائی سے دُور ہے۔ وہ مُجھ سے دُور بھاگتی

ہے اور یہ شیطانی عمل ہے۔ وہ میری مرضی سے دُور بھاگتی ہے۔ میری مرضی شیطانی نہیں۔  میرے بچو! کیا تُم نہیں جانتے کہ یہ دُنیا کیسے خُدا کی مرضی پر چل سکتی ہے۔ یہ تو مُجھ سے بہت دُور ہے، میری پاکیزگی سے دُور ہے، میرے پاک دِل سے دُور ہے۔ میرے آئین اور میرے احکام اور میری سچائی سے بہت دُور ہے۔ یہ دُنیا میرے تمام راستوں کی مُخالف ہے۔ یہ دُنیا میری محبت کے خلاف ہے۔ جو میرے پیچھے چلتے ہیں اُن کی مُخالِف ہے۔ یہ میرے راستوں کا احترام اور عِزت نہیں کرتی۔ اگر کرتی تو یہ دُنیا پریشانی اور دُکھوں اور تکلیفوں، بیماریوں اور اُداسیوں کا سامنا نہ کرتی۔ دُنیا کا راہ لعنتوں سے بھرا ہوا ہے۔ بہت سے جو میرے راہ پر چلتے ہیں اور میرے کلام پر عمل کرتے ہیں وہ سکوں اور آرام پاتے ہیں۔ اور میں اُنہیں مُشکلوں سے نکالتا ہوں۔ یہ میری دُلہن ہے جو میرے پیچھے چلتی یے۔ وہ مُجھے جانتی یے اور مُجھ سے پیار کرتی ہے۔ وہ مُجھ سے دُور نہیں بھاگتی۔ وہ جانتی یے کہ میں ہی زِندگی دینے والا ہوں، پیار کرنے والا اور قوت دینے والا ہوں۔ ایسا سکون اُسے کہاں سے مِلے گا جیسا پیار میں اُس سے کرتا ہوں مگر دُنیا نہیں کرتی۔ میں اُسے آزما چُکا ہوں۔ میں ہی اُس کا سب کُچھ ہوں۔ میری جگہ اُس کی نظروں میں اور کوئی نہیں لے سکتا۔ یہ دُنیا میری محبت سے ناواقف ہے۔ اُن کے لئیے بہت دُکھ جو اِس دُنیا کے راستے پر چلتے ہیں۔ اِس دُنیا کے نظام پر یقین کرنا اور اِس پر اعتماد کرنا مُجھ سے دُور جانے کے مُترادف ہے۔ بہت جلد جب یہ دُنیا اپنا نور کھو دے گی میں اپنی دُلہن کو اُٹھا لوں گا تو یہ دُنیا تاریک ہو جائے گی۔ ہر طرف بدصورتی اور تباہی ہو گی۔ یہ دُنیا کا انجام ہوگا۔ اور یہ جلد ہونے والا ہے۔

 

2 تھسلنیکیوں 2 باب 3 اور 4 آیات :

3 کِسی طرح سے کِسی کے فریب میں نہ آنا کِیُونکہ وہ دِن نہِیں آئے گا جب تک کہ پہلے برگشتگی نہ ہو اور وہ گُناہ کا شَخص یعنی ہلاکت کا فرزند ظاہِر نہ ہو۔

4 جو مُخالفت کرتا ہے اور ہر ایک سے جو خُدا یا معبُود کہلاتا ہے اپنے آپ کو بڑا ٹھہراتا ہے۔ یہاں تک کہ وہ خُدا کے مَقدِس میں بَیٹھ کر اپنے آپ کو خُدا ظاہِر کرتا ہے۔

 

2 تھسلنیکیوں 2 باب 6 اور 7 آیت :

6 اب جو چِیز اُسے روک رہی ہے تاکہ وہ اپنے خاص وقت پر ظاہِر ہو اُس کو تُم جانتے ہو۔

7 کِیُونکہ بے دِینی کا بھید تو اَب بھی تاثِر کرتا جاتا ہے مگر اَب ایک روکنے والا ہے اور جب تک وہ دُور نہ کِیا جائے روکے رہے گا۔

 

ایک ایسی دُنیا جو میرے آئین اور احکام پر عمل نہیں کرتی۔ وہ ایسے ہیں جیسے کشتی بغیر مانجھی کے۔ اور یہ کشتی ڈُوب رہی ہے اور یہ ڈُوبتی ہوئی کشتی تباہ ہو رہی ہے۔ میرے بچو! جلد ہی تُم موت اور تباہی دیکھو گے۔ ایسے جیسے پہلے کبھی نہ دیکھا ہو۔ کیونکہ یہ فیصلہ ہو چُکا کہ یہ دُنیا خُدا سے چھینی جائے گی۔ لیکن اِس کا بنانے والا احمق نہیں۔ دُنیا میری سچائی کو جاننے سے خالی نہیں رہے گی۔ یہ ڈُوبتی کشتی ہے۔ اب وقت ہے کہ اِس کشتی کا اِستعمال ختم کِیا جائے۔ کیا تُم آؤ گے جب میں اپنے وفاداروں کو بُلاؤں گا؟ کیا تُم آؤ گے یا اِس جُھوٹی دُنیا کے پیچھے چلو گے؟ یا تُم میرے پیچھے آؤ گے؟ کیا تُم اب بھی بھیڑ کے رُوپ میں بھیڑیوں کو سُن رہے ہو جو پاکیزگی کا دعوی کرتے ہیں لیکن قدرت اور طاقت سے خالی ہیں۔ کیا تُم اُن کی طرح ہی زِندگی گُزارنا پسند کرو گے؟

 

2 تیمتھئیس 3 باب 5 آئت :

وہ دِینداری کی وضع تو رکھّیں گے مگر اُس کے اثر کو قُبُول نہ کریں گے۔ اَیسوں سے بھی کِنارہ کرنا۔

 

آؤ خُدا کے پاس آؤ۔ جان لو کہ ایک عظیم خُدا ہے جو مُکمل سچائی اور مُکمل اِطمینان ہے ایک عظیم محبت ہے اور وہ میں ہوں۔ میرے بچو! میرے پیچھے آؤ اور مُجھے جانو۔ میں ہی عظیم اور قادرِ مُطلِق ہوں۔ میرے پاس زِندگی اور دَِندگی کی تمام خوشیاں ہیں۔ یہ سب خُدا کے دِل سے نکلتی ہیں۔ مُجھے ڈُھونڈو کہ تُم کھو نہ جاؤ۔ اب فیصلہ تُمہادے ہاتھ میں ہے کہ تُم کیا کرنا چاہتے ہو؟ ہمیشہ کی زِندگی خُدا کے ساتھ یا خُدا کے بغیر دُکھ تکلیفیں؟ اب تُم فیصلہ کرو۔ جب میں اپنی دُلہن کو لینے آؤں تو کیا تُم چلنا پسند کرو گے؟ یہ تُمہادا فیصلہ ہے لیکن اِس کی قیمت چُکانی ہو گی۔ تُمہیں میری محبت میں قدم بڑھانا ہے اور میرے پیچھے چلنا ہے؟ میں یہ فیصلہ تُمہارے ہاتھ میں دیتا ہوں کہ تُم خود مُنتخب کرو۔ بہت کم ہیں جو میری راہ پر چلتے ہیں۔

 

1 یوحنا 2 باب 15 آئت :

نہ دُنیا سے محبّت رکھّو نہ اُن چِیزوں سے جو دُنیا میں ہیں۔ جو کوئی دُنیا سے محبّت رکھتا ہے اُس میں باپ کی محبّت نہِیں۔

 

 

 

https://www.youtube.com/watch?v=CpR3yJHxtzQ

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

باب 11

دُنیا میں مُصیبتوں کی سُرخیاں

میری بیٹی! آج میں اُن تقریبات کے بارے میں بات کروں گا جو دُنیا میں ہونے والی ہیں۔ دُنیا میں مُصیبتوں کا آغاز ہونے والا ہے۔ بہت سے تاریک بادلوں نے دُنیا کو ہر طرف سے گھیر لیِا ہے۔ بہت جلد یہ دُنیا بدل جائے گی۔ ایک ہی رات میں جب دُلہن اُٹھا لی جائے گی تو سب کُچھ بدل جائے گا۔ دُنیا اِس قدر تاریک ہو جائے گی کہ پِھر کبھی بھی ٹھیک نہ ہو پائے گی۔ میرے بچو! یہ جلد ہو گا۔ اپنے آپ کو اِس سچائی کے لئیے تیار کرو۔ میں سچائی پر مُبالغہ آرائی نہیں کر رہا۔ میرے الفاظ بھروسے کے لائق ہیں۔ یہ گھنٹے بہت تیزی سے بڑھ رہے ہیں۔ یہ کام شروع ہے اور اب رُک نہیں سکتا۔ یہ دُنیا بدترین ہوتی جائے گی اور پِھر کوئی حکومت، کوئی اِنسان اور کوئی طاقت اِسے روک نہ پائے گی۔ اور یہی مُکاشفہ آخری دِنوں کا ہے جب میرا بیٹا پِھر سے آئے گا۔ تب دُنیا اِس تمثیل کے بارے میں جانے گی کہ ایک رات چور آ گیا۔ اور کوئی بھی اِس کام کو روک نہ سکے گا۔ یہ بہت عرصے سے سُن رہے ہیں اور یہ جلد ہونے والا ہے۔ جیسا میرا کلام کہتا ہے ویسا ہی ہو گا۔

 

1 تھسلنیکیوں 5 باب 2 آئت :

اِس واسطے کہ تُم آپ خُوب جانتے ہو کہ خُداوند کا دِن اِس طرح آنے والا ہے جِس طرح رات کو چَور آتا ہے۔

 

میرے بچو تُمہیں تیاری کرنی ہے۔ اپنے آپ کو تیار کرو۔ میرے بیٹے کی آمد کے لئیے تیاری کرو۔ وہ اپنے فرشتوں کی فوج کے ساتھ آسمانوں پر آئے گا اپنی دُلہن کو لینے۔ اور یہ  جلد ہوگا۔ میرے وفادارو بیدار ہو، تیار ہو۔ دُلہا اپنی دُلہن کو لینے آ رہا ہے۔ ایسا جیسے کبھی بھی نہیں ہوا۔ نہ ماضی میں اور نہ ہو گا۔ سب آؤ اور تیاری کرو۔ اپنے آپ کو برّا کے لہُو سے دھو۔ وہ موجود ہے۔ اپنے آپ کو اِس کی محبت کے تابع کر دو۔ اِس کو اپنا آغاز اور اِختتام بناؤ۔ ہم ایک ہیں باپ، بیٹا اور روح القدس۔ میرے بچو! دُشمن اپنے منصوبے بنا رہا ہے۔ وہ اِنسانیت کے خلاف تباہی کے منصوبے بنا رہا ہے۔ سب کُچھ تبدیل ہو جائے گا۔ میں نہیں چاہتا کہ تُمہیں علم نہ ہو۔ لیکن یہ سب کُچھ ہونے والا ہے۔ تُمہیں اپنے آپ کو تیار کرنا ہے۔ جب میرا بیٹا اِس دُنیا میں آئے گا تب یہ سب ختم ہو جائے گا۔