25th Hour by Micah Fruto (e textbook reader .TXT) 📕

"KAAAYYY! Ayoko na. Backout na ko. Ayoko na!"

Hinila niya ako ng hinila hanggang sa makarating kami sa auditorium. Ang dilim na naman doon sa loob maliban sa ilaw sa stage. Ang maganda lang dito, aircon eh.

May mga tao naman na doon sa stage at hindi ko kilala yung karamihan. Si Carlo eh nakaupo doon sa isang sulok at si Jasper eh nandun na rin.

Ang bilis niya no?

"Late kayo! Alam niyo ba na ang kanina pa ang Calltime? Anong oras na?"

"8:04?!?" sumagot naman si Kay.

"Exactly!!!" sabi niya tapos tinuro kami parehas, "4 minutes late kayo."

Biglang may babae naman na dumaan sa gitna. Yung theater instructor.

"Ok tama na yan Mr. Morales."

"Sorry po Mam."

Sabi ko na nga ba eh feeling president na naman itong tao na ito.

"Ladies lumapit kayo dito.." nag-signal naman sa amin.

Parang ang bigat ng mga hakbang ko hanggang sa makarating ako sa stage.

"Oo nga lumapit kayo dito.." inulit niya yung sinabi.

Umupo naman kami doon sa stage kasama nung ibang mga students na hindi namin kialala. Tama nga sila, konti lang ang member ng theater club. Kung wala pa siguro kaming apat dito, ilan-ilan na lang silang maiiwan.

"Ngayon, orientation lang tayo. Characters, and script." tapos huminto yung teacher, "So liwanagin muna natin ah. Ang magiging Beast natin eh si Mr. Morales?" tumango sya kay Jasper.

"Syempre po eh!"

"At si Belle eh si..." lumingon siya sa akin, "Miss Lopez?"

Ayoko pa sana nun. Pero hindi na lang ako nagsalita.

"Si Carlo daw si Gaston!"

Pangiti-ngiti lang si Carlo pero wala namang sinabi.

Ayun nga, wala naman kaming ginawa kundi i-assign yung mga characters namin. Unlike doon sa movie, konti lang kami at yung main lang talaga ang ginawa. Yung iba nga, dalawa pa ang role.

Binasa namin yung script. At sa lahat naman ng characters, si Jasper naman ang walang kakwenta-kwenta. As in, babasahin na nga lang... basa pa talaga!!! At nung sinabihan siya na ayusin daw niya, ang sagot ba naman eh masyado lang daw talagang natural yung talent niya.

Kung ako siguro yung teacher, nainis na ko sa kanya.

Nung breaktime naman eh pumunta ako doon sa gilid at nagtetetext ako.

Saglit lang, may nagtext na naman na nakakabwisit.

"muzta k n?"

Yung abnormal na naman na ka-text ko dati.

"nu na naman kelangan mo?" sabi ko doon sa reply ko.

"alm m s txt p lng suplada k."

"so?"

"alm k kng nsan k."

Kilala ba ako nito?

"what do you mean?"

"nsa theater k d ba?"

"err.. yeah." batrip to ah!

"kilala kita no.. intentional text ko dti"

"loko ka! cno ka?"

Hinintay ko yung text niya.

"lst na txt k n 2, lngon k s likod mo.."

Dahil nga nandun ako sa stage, lumingo na naman ako sa likod ko. Kialala pala ako! Bwisit.

"CARLO!!! GRRR!" ***16*** Asar na asar talaga ako kay Carlo nun. Siya pala yung nagtetext sa akin. Nasa likod ko kasi siya nun eh. Tapos tumatawa. Kausap niya kasi yung isa sa mga Theater club member. Tumingin lang siya sa akin, tapos kumaway.

"Eh kung sipain kaya kita?" yun talaga yung unang sinabi ko sa kanya nung makalapit ako.

"Huwag naman! Masakit yun!"

"Gaano ba kalaki ang problema mo at ang lakas mong mang-trip?" tapos tumingin ako doon sa phone, "San mo nakuha yung number ko?"

"Ako?" tinuro niya yung sarili niya.

"Oo, ikaw lang naman kausap ko."

"Nung nasa shop tayo, remember inabot ko sa 'yo yung phone at sinabi kong nahulog mo yata?!? Tinignan ko kasi yung phonebook mo, tapos nandun yung number mo... kaya ayun." nagpaalam siya saglit doon sa kausap niya, "Bakit bawal ba?"

"Hindi. Pero nakakainis lang."

Dumating naman na si Kay nun at may dala-dalang siopao. May drinks din siya na nasa tray kaya lang halatang nahihirapan siyang magbuhat. Para sa lahat na yata yung binili niya eh.

Si Jasper naman eh pumasok at nag-chewing gum pa. Kaway pa ng kaway sa labas at nakangiti na akala mo naman eh artista. Tingnan mo nga naman itong tao na ito, may gusto na nga lang din sa pinsan ko hindi pa alam kung kailan ang tamang oras para tumulong o hindi.

Kaya ang ginawa ko, tumakbo ako doon sa pintuan na kinatatayuan niya.

Bumulong naman ako sa kanya para walang makarinig.

"Hoy, bobo ka?!?" ay ganun talaga yung dialogue ko! "Nag-iisip ka ba?" hinampas ko siya doon sa braso niya.

"Ano na namang ginawa ko? Ikaw nagiging hobby mo na yang pananakit. Mag-collect ka na lang selyo ng sobre para 'di mo ko hinahampas lagi..." hinimas na naman niya yung braso niya.

"Kita mo yun?" tinuro ko si Kay, "Dala-dala niya yung tray ng siopao na marami. Dahil marami, mabigat." inisa-isa ko talaga sa kanya para maintindihan niya, "Kita mo naman 'to?" tinuro ko yung mga iced tea doon sa table, "Siya rin nagdala niyan."

"O ngayon?" inosente pa yung itsura niya.

Hahampasin ko na sana siya uli kaya lang umatras siya.

"Hello? Para mapansin ka niya in a good way, kailangan tulungan mo siya!"

"Alam ko yun!" kunwari pa nagpalusot.

"Fine!" sinigawan ko uli, "Pero huwag mo muna ihahatid ngayon baka makahalata na sinabi ko sa iyo. Hintayin mo muna na makaupo ako sa stage kasama nila, at kapag nakita mong balak niyang bumalik dito, pipigilan ko siya at ituturo kita na dinadala mo. In that way, may entrance ka naman!"

"Ok. Got it... " nagpa-cool effect pa siya.

Tumakbo naman ako papuntang stage at si Jasper eh naghihintay doon ng signal ko kung kailan niya dadalhin yung tray na panay iced tea. Katulad nga ng hinala ko, balak na ni Kay bumalik uli para kunin yung tray, kaya lang nag-sign na ako kay Jasper na dalhin na niya.

Naglakad naman ang mokong at todo-ngiti pa talaga yan papunta sa stage kung saan kami nakaupo nila Kay. Si Kay naman eh napansin na dala-dala na niya kaya sinabi niya na ang bait naman daw ni Jasper.

See? My plan's working.

Habang papalapit siya nun, nakakatuwa rin tignan na gentleman effect ang drama niya. This will work out well...

Kaya lang nung malapit na siya sa amin, napansin ko na nanginginig yung kamay niya. Ano ba naman yan?!? Para si Kay lang kailangan pa ba niyang kabahan?

Umakyat siya doon sa hagdan at hindi rin nagtagal...

SPLAASSSSHHHHH!!! Natapon lang naman yung mga inumin. At ang jackpot sa lahat at dahil katabi ko si Kay, ako yung napuruhan. Basang-basa ako nun. Si Kay hindi masyado.

Tinignan ko lang si Jasper. Anak ng tinapay!!!

"Sorry!!! Pasensya na!" nilabas niya yung panyo niya, "Kay, gusto mo gamitin yung panyo ko?"

Ako kaya yung basang-basa dito.. pero ayos lang magpakabait siya sa pinsan ko. Kailangan niya talaga!

"Thanks."

Tumingin si Jasper sa akin na akala mo eh hiyang-hiya. Iniwas niya yung tingin niya.

"Riel, may towels sa clinic." ang sama ng ugali! "As for me, bibili na lang ako uli ng bago."

Nag-step forward naman si Carlo.

"Bro, ako nal ang bibili para sigurado. Pera mo nga lang!" naka-spread naman yung kamay niya sa harapan ni Jasper.

Narinig naman nung teacher yung nangyari. Pero syempre, wala na siyang magagawa. ACCIDENTS DO HAPPEN. At kapag mamalasin ka lang din naman, sa akin pa bumabagsak yung kapalpakan niya. Una yung upuan muntik na tawagan yung parents ko, ngayon naman basa ako ng iced tea? Ano kaya sa susunod?

"Okay lang yan Jasper! Hindi mo naman sinasadya eh.." sabi nung isang babae sa likuran.

Baling naman yung atensiyon niya doon sa babae.

"Tama ka diyan di ko naman sinasadya," tumingin siya uli sa akin tapos sa babae doon uli, "Sino ka naman?"

Tama bang ganun ang itanong? It's kinda' rude. Pero syempre si Jasper siya, expect the worst..

"Mandee Vargas nga pala." tapos kumaway lang siya.

"Pleasure!" tapos sumaludo naman.

Naupo naman siya doon sa bandang gilid. Kaya lang, sinita siya.

"Siguro naman tama lang na samahan mo si Miss Lopez sa clinic dahil ikaw naman ang may gawa niyan.." tinuro niya yung basang uniform ko.

"Naku hindi na po!"

"See? Ayaw niya. Isa pa, kaya naman ni Riel yan. Macho yata ang dating!"

"Ito gusto mo?" nagclose-fist ako sa kanya, "Macho ha!"

"O sige na Miss Lopez, dumeretso ka na sa clinic at maglinis ka doon.."

"Maglinis ka nga doon!" inulit niya uli yung sinabi ng teacher gaya dati. Tumingin yung teacher sa kanya, "Kasama ako!" natakot yata eh.

Syempre dahil nga basang-basa ako at wala ring magagawa si Jasper, sumunod na lang siya hanggang doon sa clinic. May towels nga doon at shirt ng school. At syempre, suot ko na naman yung A.L. shirt. Hangga't maaari nga ayoko. Nakakahalata na nga si Jasper, ganito pa yung shirt ng school.

Tumingin siya sa t-shirt nun tapos sa akin. Hindi na lang siya nagsalita dahil iniwas ko yung tingin ko sa kanya.

Please lang.. huwag naman niyang isipin na ako yun!!!

Si Kay naman eh tawa ng tawa nung makabalik kami sa auditorium. Nanloko pa na ang ganda raw ng shirt ko. Bagay na bagay sa akin.

"A.L. shirt pa ang suot! Naks naman!"

"Please lang... la namang ganyanan. Nakatingin nga si Jasper kanina.. feeling ko talaga may hinala na siya eh.."

Umupo si Jasper doon sa gilid at nagsimula na ring kumain. Sabay-sabay kasi kaming lahat. Yung teacher eh nakaupo doon sa armchair na nasa gilid. Nagtaas ng kamay si Jasper nun.

"Ano yun Mr. Morales?!?" nakita niya yung kamay ni Jasper na nakataas.

"Mam may tanong lang ako.." nagtinginan kami lahat sa kanya, "What do you think of A.L.?"

Nanlaki yung mata ko kay Jasper nun. Sinasadya ba niya na iparinig sa akin?

"A.L.? Well, kung sino man siya tingin ko napakabuti niyang tao.."

"Kaya nga po 'di ba Mam?!? Eh kayo, tingin niyo rin ang bait niya 'di ba?" tinuro niya yung ibang mga nasa gilid.

Tumango naman yung iba at naki-ayon.

"Ikaw Kay, anong tingin mo kay A.L.?"

Na-choke naman si Kay nun.

"Pakiramdam ko, para ko na siyang kapatid!" siniko ko nga bigla, "Aray ko naman!" sabi niya pero mahina lang.

Ngumiti lang si Jasper.

"Riel yung sauce ng siopao mo malapit nang tumulo," napatingin ako sa siopao ko kaya kinain ko na rin, "Riel, anong tingin mo kay A.L.?"

"Uhmm ah..." hindi ako makatingin sa kanya, "I think she's nice." hindi na ako makapag-comment.

"SHE???" oh my god. "Paano mo nalaman na babae siya?"

"S-sabi mo kasi nakita mo siya 'di ba?" ano ba naman yan Riel!! "Nag-assume lang ako."

Napansin naman ni Kay na nalulunod na ako nun. Kaya tama lang na i-rescue niya ako.

"Bakit ikaw Jasper ano bang tingin mo sa kanya?"

"Hmm.. ako?" tumingin siya sa kisame, "I think she's kind. Ang tiyaga niya.. she's nice and all that. Pero sana magpakilala siya 'di ba? I think everyone will love her.."

Nung natapos magsalita si Jasper, nagsalita na naman yung Mandee kanina.

"Wow Jasper, flattered naman ako sa sinabi mo.."

Hey what?!? Hindi ko yata na-gets yun.

"Excuse me? Flattered saan?"

Nagtinginan kami ni Kay nun.

"Care to explain?"

"Di ba sinabi mo na she's kind and nice and all that. At sinabi mo na magpakilala na KO.."

"You liar!"

"Shhh!" sinabihan ko si Kay.

Nagtinginan kaming lahat sa kanya dahil nanahimik kami.

"Ako si A.L."

Walang makapagsalita nun. Long pause talaga. Tumingin si Jasper sa akin, tapos sa kanya.

"Ikaw?"

Ewan ko ba, ayaw kong malaman nila na ako si A.L. pero di ko makuhang umamin ngayon. Kung nagke-claim siya na siya si A.L...

Then who am I?? ***17***

Hindi na lang ako nagsalita nun. Instead, yumuko na lang ako. Alam na alam ko sa sarili ko na ako si A.L., pero bakit naman sinasabi niya na siya eh.. AKO?

"Gusto mo upakan ko na ito?!?" sabi ni Kay na halatang asar na asar din naman.

"Ano ka ba... okay lang. Malay mo may reason--"

Hindi ko pa natatapos yung sasabihin ko, nagsalita na uli si Kay.

"Reason reason! Bwisit! Ang kapal naman ng mukha niya! Bakit nangunguha siya sa credit ng hindi naman kanya?" hinawakan ko na si Kay dahil baka ano mang oras eh sumugod na rin siya.

Pinatahimik ko na lang si Kay at baka may makarinig pa. Yung iba namang kasama namin doon sa auditorium eh nabaling na lahat ang atensiyon kay Mandee. Ako naman eh tumingin sa kanya, pero hindi na masyado.

"Ikaw pala hija si A.L.?" tumayo naman yung teacher namin at yumakap sa kanya, "Naku, eh kay bait mo naman palang bata ka!"

Yung iba naman eh nag-cheer pa kay Mandee. Nakatodo-ngiti lang din siya. Dahil nga nakabili na rin si Carlo nun ng iced tea, tinaas pa namin yung mga baso namin para sa kanya.

Ewan ko kung anong pakiramdam ko nung mga oras