TEKANIRIZA OKUTWARWA KWEKANISA (Ugandan Version) by Susan Davis (read an ebook week .TXT) 📕

hamu nobuganga, kunu nukwo okufwa okwakabiri.

Okusukururwa 22:14-15 Baina omugisa abo abakora Ebiragiro bye, nukwo babe norusa orwokuhika aha muti ogwobwomezi, kandi ngu basobole kutaha omumiryango bagende omurubuga. Baitu aheeru haliyo embwa, hamu nabarogo, hamu nabasihani hamu nabaisi hamu nabarami bebisisani hamu nogu weena owanyakugonza kandi owanyakwenda kukora ebisuba.

 

53. ENSI ESOBORA KUBA NECHWEKA, BAITU OMUGOLE WANGE ALINZIRWE- AINE OMWOYO WANGE KANDI ALINZIRWE.

 

(Ebigambo ebitungirwe Susan kuruga hali MUKAMA Waitu, Okwamukaaga 21, 2014)

Susan, nyetekanize kubahereza ebigambo:

 

Baana, haroho eihunga lyebicu ebikwiragura: kinu nikyo ekibi ekirimu kusasana. Ensi erimu kuhindura omugongo gwayo hali RUHANGA wayo. Obwire bulimu kuhwayo hali abo abakwenda kuhikirra NANYOWE. Ekibi kirimu kugenda bwangu muno.

 

Baana nimutekereza ngu ensi eija kugumizamu nekibi kinu nikifuga obwire bwoona? Tikisobora kuba--tikwija kwikiriza kinu bwire bwoona ntakihakaine, nobukiraaba ngu ndi mugumisiriza muno. Obugumisiriza bwange bulimu kukeha. Baingi muno bamazire ira kurora emaliira yobugumisiriza BWANGE kuraba omubigwererezi, rundi okuhwerekerra.

Tinkwija kwikara nekibi rundi kurwana nomuntu owekibi ebiro byoona. Ndimu kuhereza okurabura KWANGE. Ntekaniize ekikaro kyomugole WANGE anyakwetekaniize. Alinda nobugumisiriza engeri ensi negwa harubaju rwe. Tinkwija kumwikaza alindiriire ebiro byoona. Mwikale mwetekaniize bagole BANGE abasemiire. Mwikaze amaiso ganyu hali MUKAMA RUHANGA Wanyu. Mwikaze amaiso ganyu gali hali NYOWE.

 

Ensi esobora kuba erimu nechweka, baitu omugole WANGE alinzirwe--aine OMWOYO WANGE kandi alinzirwe.

 

Zibasangire abo abanyakulengaho kukora nokwijuzibwa okwebichweka--etaara eyamafuta agebichweka. Mwija kusigwa kurora okuhwerekerra obundaija kutwara omugole WANGE--Omugole WANGE owetaara ye ekubooga namafuta ga MWOYO ARUKWERA. Nayaka muno kandi namyangasana amazima. Akiikira MUKAMA WE omunsi eyekiirima: ekibi ekiingi muno buli hokuhindukira. Ali mu'ro ahimbire ebigambo BYANGE, Enjiri YANGE nebigere bye ebisemiire: neseseka kuruga omukanwa ke.

Baana bekyererezi: mwake, musese okunihira...ekyererezi, amananu, enjiri YANGE.... Obwakaiso BWANGE. Mubagambire hali okufwa KWANGE aha musaraba ogutaterekeriire: engeri najweriire ebibi byabantu boona. Mubagambire ngu NDIMU NINYIJA! Bagambire okweta Ibara LYANGE. Banseere omu saaha enu eyekiirima. Bagambire ngu ninsobora kusangwa. Bagambire ngu ningya kugaruka kutwara abo abakwenda kuba NANYOWE OMU kitiinisa ebiro byoona. Kinu kiri kigambo KYANGE, Obutumwa BWANGE. Mugabane engonzi ZANGE. Mwoleke ababuzire engonzi ZANGE.

Nimbagonza bagole BANGE abagonzebwa. Mutahoibwamu okunihira omunsi enu eyekiirima.

Omugole OMUSAIJA WANYU NAIJA!

NINYE, EKYEREREZI EKITAHWAHO

KRISTO

YAHUSHUA!

Ebyahajdiikirwe ebikugenderaho:

 

Abarumi 1:16-17 Baitu tindukukwatwa ensoni habwenjiri. Baitu nigo maani ga RUHANGA obwokujunwa hali wena anyakwikiriza. Okubandiza hamuyudaya kandi hali omuyonani. 17 Baitu okuhiki'ra kwa RUHANGA nukusuku'rwa omuyo okuruga omu kwikiriza okuhika ha kwikiriza: nkokukyahandikirwe ngu anyakuhikiriire arayomeraga obwokuikiriza.

Zabuli 121:7-8 MUKAMA arakulindaga omu kabi koona, nuwe aralindaga obwomezi bwawe. MUKAMA aralindaga amagenda gawe namagaruka, okuruga hati nokuhikya ebiro byoona.

 

Matayo 25:8 Abadomadoma bagambira abamagezi ngu mutuhe aha magita, ganyu baitu etabaza zaitu zazima.

 

Abafilipi 2:8 Kandi nobuyazokere okusisana nomuntu yayebundaza wenka naculeera okuhikya ha kufa, nukwo kufa kwa hamuti.

Abarumi 10:13 Baitu omuntu wena alikunga ibara lya MUKAMA, Alijunwa.

Luka 11:9 Kandi nimbagambira inywe nti musabe mulihebwa, muse're mulizoora, mwerange Mulikingulirwaho.

 

Yohana 14:3 Kandi obundaba Ningenda okubatekaniriza ekiikaro, ndigaruka hanu okubatwara nambere ndi, NYOWE nambere ndi nainywe muikaleyoga.

 

54. OKWEGOMBA KWEKANISA EZA KOYA KOYA KUKWATIRIRA HALI ENSI KWIJA KUBA KUGWA KWAZO

 

 

(Ebigambo ebitungirwe Susan kuruga hali MUKAMA waitu, Okwamukaaga 22, 2014)

Buli bwire obwokuhandiika ebaruha empyaka.

 

Baana , onu nuwe RUHANGA wanyu, nyine ebigambo ebyokubahereza.

 

Buli bwire obwokuhandiika ebaruha empyaka:

 

Enu niyo esaaha eyokwikaara hamu nokuhuliriza Kurungi. Haroho okukwatwaho okulimu kukura: ekibi kirimu kurubata bwangu omunsi yoona. Ekyererezi nikyo ekintu kyonka ekikugenda bwangu muno: EKYEREREZI KYANGE, AMANANU GANGE gacumitira kimu omu kiirima. Amananu GANGE gachwa ekiirima. Tiharoho amananu gandi goona baitu oihireho AMANANU GANGE---busaho kiikaro kindi ekyokuhindukiramu.

 

Bwangu ekiirima kiija kuswekeera amananu GANGE obwogu anyakutangire bwaramara kwihwamu omumuhanda: OMWOYO ARUKWERA WANGE owanyakuli munda omumugole WANGE. Aija kutwarwa no MWOYO WANGE atakwasirweho kandi ne'kanisa "enyakusigirwe enyuma" eija kukora netaara ezamafuta gebichweka zonka. AMANANU GANGE tigakwija kwaka nko'kwangasana muno nomugole WANGE owabuzireho omunsi. Nobukiraaba ngu ndi buli hamu, ensi eija kuba neburwamu abantu abanyakuine etaara ezijwire amafuta,aha kaire akokwihwamu kwekanisa, Omugole WANGE, kumutwara omu iguru. Huwe ogaisireho nokwijuzibwa OMWOYO ARUKWERA nikyo kyemerezaho ensi enu. Kiri habwamaani agakolesa: esaara zabahikirirwa abahikire,abasaba habwamaani ga MWOYO ARUKWERA beherireyo kimu hali KRISTO kandi behaireyo hali okugonza kwa MUKAMA, okunyakutangira amaani agabi agekiirima omunsi yoona.

 

Hataroho OMWOYO WANGE ARUKWERA, hamu Nomugole WANGE, ensi enu eija kurora ekiirima ekihikire nkekyetakaroraga. Ekanisa eya koya koya eija kusigara okwerorerra omunsi eyekiirima. Ekanisa eya koya koya nubwo eramanya kiki ekyomwanya gwayo ogucheke na RUHANGA ekigukumanyisa..... okwikiriza kwayo okufwire.... Okwehakana kwayo hali okwetaaga MWOYO WANGE omuhagati yayo. Abanyakuli koya koya nubwo Baja kwegomba ekintu kyonyini ekibabaire bangire kumara akaire kaingi muno. Amaani ga MWOYO WANGE ARUKWERA.

Kiraaba omu mbeera yayo "eyokusigwa enyuma" kurora ngu ekanisa eya koya koya eija kwija mukwikiraniza nensobi yokuteekereza kwayo: okwegomba kwayo okwokwenda kukwata RUHANGA hamu nensi hamurundi gumu, kulengaho kwisaniza ebintu bya RUHANGA ne'nsi hamu nemihanda yayo. Okwegomba kwekanisa eza koya koya kukwatiriira hali ensi kwija kuba kugwa kwazo.

Ekanisa eya koya koya eija kutekwa kukwata omuhanda gwayo kwija hali NYOWE, kuraba omungaro zo'munyanzigwa WANGE. Tihakwija kubaho omuhanda gundi gwoona ogwokutoroka. Esaaha eyekiirima ekikusingayo hali abantu erimu kwija...

 

Osobora kwerinda esaaha enu eyerimu kwija hali ensi. Weheyo hali MUKAMA wawe kandi OMWEGESA: KRISTO. Tiharoho muhanda gundi gwon.--Tiharoho kigarukwamu kindi kyoona--- tiharoho mulingo gundi gwoona ogwokutoroka.

 

Wegarukemu, ganyira abandi boona, hayo obwomezi bwawe hamu nokugonza kwawe hali NYOWE, MUKAMA Wawe. Wesike iwe wenka kuruga hali enguzi eyekanisa eya koya koya, ekanisa eyetamanyire.

Onu nuwe MUKAMA kandi MUJUNI,

OKUNIHIRA KUMU KWONKA

Ebyahandiikirwe ebikugenderaho:

Yohana 8:12 Kandi YESU yabagarukamu nabagambira ati, NINYOWE musana gwensi: anyakukuratira NYOWE taligenda omu mwirima, baitu aliba nomusana, ogwobwomezi.

 

2 Abasesalonika 2:7 Baitu ekyensita ekyobwemi nikikyakora: kyonka haroho arukutanga hati bunu, okuhikya obwalihwaho.

Matayo 25:10 Nabo obubakaba bagenzire okugura, omuswezi yaija, nabo abakaba batekanize bahingura nauwe omu bugenyi obwobugole: orwigi rwakingwaho.

 

Abefeso 6:12 Baitu titurukufukana nesagama nomubiri, baitu nabakuru nabobusobozi nabarukulema ensi abomuirima gunu, nemyoyo eyobubi eyomu biikaro ebya haiguru.

Okusukururwa 3:16 Nukwo obwokutagata koya koya, kunu torukufuka kandi torukutagata ningenda okukutanaka omu kanwa KANGE.

2 Timoteo 3:5 Bayina okusisana nkokutina RUHANGA, baitu amaani gakwo bagehakaine. Kandi nibo oterege amabega.

Okusukururwa 22:17 Kandi OMWOYO hamu nomugole bagamba, ija. Kandi leka na buli omu owarahurra agambe, ija. Kandi leka nogu owanyakuine iroho aije. Kandi na buli omu owakugonza, leka anywere busa amaizi gobwomezi.

 

55. OBWAKAISO OBWOKUTANGATANGANA NA RUHANGA

Abahondezi ba KRISTO Abakugonzebwa:

 

Omukuhandiika, ntekeremu obwakaiso busatu obwokutangatangana na RUHANGA (otwaliraniizemu nobwakaiso bwange) obwaleteriize buli omu okwija omukwegarukamu okwomunziha,hali okusiisa kwenyuma hamu nokwahati. Baibuli nekigamba kinu: Abaheburaniya 10:31 Kiba kigambo kyokutiina muno okugwa omu mikono ya Ruhanga omwomezi.

 

Nobuhakuba omukyahandikirwe kinu norora ngu KRISTO akaba aina OMWOYO wamagezi hamu nokutiina RUHANGA: Isaya 11:1-3 Kandi omu kikunya kya Yese haliruga akatagi, nitagi eririruga omu kikorokye liryana ebyana: nomwoyo gwa MUKAMA guliikara haluwe, omwoyo gwamagezi, nokwetegereza, omwoyo gwokuhanura namani, omwoyo gwokumanya, nogwokutiina MUKAMA, nokusemererwa kuliba omu kutina MUKAMA, kandi talichwa emisango nahondera okurora kwamaisoge kunu taliramura nahondera okuhu'ra kwamatuge.

 

Ninihira obwakaiso bunu nibubaliza omutima gwawe kandi noyetegereza omugaso gwokuseera RUHANGA nokwehayo hamu nokutiina RUHANGA okwamananu.

  

 

--- Othusitse Mmusi kuruga omu kitabu "Okusukururwa kwe'iguru hamu na gehena" ---

Kwiha obunali nkyali muto muno, nkahurra okwetwa kwa RUHANGA hali obwomezi bwange, kandi nkahayo obwomezi bwange hali YESU. Kuruga hara muno engeri nkwijuka, nkagonza MUKAMA kuruga ahamyaka yobuto muno. Nakiraga kuba nebirooto, okwolekwa, hamu nokusukururwa kwa MUKAMA, nkarora bamalaika, nkarora ekitiinisa kya RUHANGA, nkaba nebirooto bingi muno ebya YESU KRISTO, Baitu namara nagarukiira obunahikire omu myaka YANGE eyobusigazi, ningenda omukunywa omwenge, omunkoragana ezibi, hamu n'ensi. Kikagumizamu kumara obwire bwingi nke'myaka etaano, baitu hati omu mwaka gwa 2010, Mukama aketabamu kutanga oburaru bwange. Akanteeka omunkomo obunali ndi ahamuhanda ndimu kugenda kugura ekitu. Nahabwekyo omumbeera yokugarukiira KWANGE, nkagenda nabyama nayeyanjurra hansi mumaiso ga RUHANGA, nubwo hanyiziire okurumirizibwa okukooto muno okwa MWOYO ARUKWERA. Kukaba kwingi muno kurora ngu nkacura Kumara esaaha nyingi. Nkehurra omulingo nali nsisire ngu nkaba nchwire omutima gwa RUHANGA.

 

2 Abakorinso 7:10 Baitu okutuntura hali Ruhanga nukuleta okwegarukamu hali okujunwa okuteijukya baitu okuteijukya baitu okutuntura okwomunsi nikuleta okufa.

 

 

Nukwo oti MUKAMA omulingo yajuniremu obwomezi bwange kuruga omukibi, ensi, hamu nokufwa okwomumwoyo. (Abarumi 6:23) Hanyuma yokucura kwingi muno hamu nenaku yobwa Ruhanga, nkahura nsumurwirwe muno, nayoroberra muno. Nkaba nubwo nkyamazire kujunwa rundi nkyamazire kugaruka hali RUHANGA habwa MWOYO ARUKWERA.

--- Charles Finney, Evangelist ---

Hakaba hatalimu kyererezi omu kisiika; nobukiraaba kyali kiti, kikanzookera nka rundisi halimu ekyererezi kingi. Obunali nkyatahiremu munda, mazire kukingaho orwigi, kikanzookera nkarundisi nkatangatangana MUKAMA YESU KRISTO maiso na Maiso. Kitambeho enyumaho nobukyakuba kumbaho hanyuma yobwire mumaisoho, ngu kikaba kiri burwaire bwomubwongo. Harubaju orundi, kikanzookera nkarundisi nkamurora engeri ndora omusaija ondi wena. Taine kiyagambire, baitu yandora omumulingo nkokunchwa hansi aha bigere bye.... Kikanzookera nkarundisi akanyemerra mumaiso gange kandi nkagwa hansi aha Bigere bye kandi nasesa omwoyo gwange haliwe. Nkacura muno nkomwana kandi nayatura bingi nakanwa, engeri nali ninsobora kukora nokwatura nkwasirwe habikya. Kikanzokera nkarundisi nkogya ebigere bye namaziga, kandi kunu nkaba ntaine kutekereza kwona ngu mukwasireho.

 

 

--- Susan Davis, kuruga mukitabu ekya "In Love with the Whirlwind"---

Obunali ndi nyenka omu kisiika kyange, nkaba ninsoma ekihandikirwe ekyomuntu omu ekikubazaho hali oburukwera bwa RUHANGA. Ekintu ekimu hali ebintu byomuntu onu yahandiikire Hali RUHANGA mananukwo kikandumiriza. Nobukiraaba ngu ntarole kyererezi kyoona, rundi muntu wena nakamu, bwangu bwangu hataroho nokurabura hakabaho okubaho kwa RUHANGA kwingi okukuhuniriza, okuntakarorahoga enyumaho omubwomezi bwange. Hataroho nakitekerezo kyona hali ekyo ekinali ninkora, nkehungura hansi nabyama kandi nacura nacura noburumi bwingi kandi nayeijukya muno habwebibi byange. Ahakasumi ako, nketegerezaho katoito aha burukwera bwa MUKAMA, kandi nabwo nayetegereza omuhito ogwokuburwa kwange oburukwera. Nkaijuka ebintu bingi ebinali nkozire omubwire bwenyuma, ebyali bitakanteeraga nkobuba kizibu kyona, rundi ensonga enkooto muno. Tiharoho bigambo kwo mali ebyokusoborra okusasa muno okunarabiremu hanyuma yokwetegereza okusisa kwange okwenyuma. Nkahurra mali nkarundisi nkaba mazirweho. Omukugaitaho,binu byali bitekerezo ebaizire omu bwongo bwange-- okuharwaho-- okumarwaho nkoku-- okwegarukamu norumwa nkoku--kweijukya-- okumalirwaho kimu. Nkakimanya nkaba ndi haihi ya RUHANGA owarukwera kandi hali tataroho kantu koona akarungi hali NYOWE nakamu. Nkarumwa muno hali obuhoole bwange. Okutangatangana kunu kwali nikutantaruka kandi mali tinkwinire kusoborra kwona okwensi. Baitu hanyuma yokwegarukamu okwamaani nobusaasi kumasire kwija hali obuhoole bwange obwenyuma, nkahurra enyehurra eyokuba nobusinge-- engeri oyehurramu hanyuma yeihunga liba limazire kurabamu hamu nomulingo oyehurra hanyuma yenjura emazire kugwa kandi haroho nkokwehurra engeri yobufuki omumwanya. Nkahurra engeri egyo eyokuba nobusinge obwamani.