TEKANIRIZA OKUTWARWA KWEKANISA (Ugandan Version) by Susan Davis (read an ebook week .TXT) 📕

ekiri omunsi yoona kitakabaire kujanjalira kimu nkomurro gwekisaka. AMIINA, AMIINA, AMIINA, AMIINA.

 

61. EKYEKANISA EYA KOYA KOYA ETASOBORA KUKUGAMBIRA

 

Nkakaguza MUKAMA hali ekizibu ekinyakuli nekanisa eya koya koya:

Tibanseera nkengozi zabo ezikubanza.

Okusukururwa 2:4 Engeri kikali nyine ekintu ekinkukujunanaho, habwokuba olekere ENGONZI zawe EZOKUBANZA.

Tibakunkwatira omukiikaro ekyekitiinisa omumitima yabo.

Ekyebiragiro 13:3 Iwe otalih'urra bigambo bya nabi ogu, rundi omurosi webiroto: baitu MUKAMA RUHANGA wanyu buli abalengere, okumanya rundi nimugonza MUKAMA RUHANGA wanyu nomutima gwanyu gwona nobwomezi bwanyu bwona.

Tibaine makuru omukukwata kwabo hali ebyo ebinkubara nkebirukwera:

 

Ibara LYANGE erirukwera

Ekyabalevi 22:2 Musa ati Gambira Aroni na batabanibe bebaganize bonka omu birukwera ebyabana ba Isaleri, ebibasorora namberendi, baleke okujumya Ibara LYANGE erirukwera: NYOWE ndi MUKAMA.

Tibaine makuru omukukwata kwabo hali ebyo ebinkubara nkebirukwera:

Hawange aharukwera:

Ekyabalevi 26:2 Murayerindaga sabiti zange, kandi muratinaga hawange harukwera; nyowe ndi MUKAMA.

Tibaine makuru omukukwata kwabo hali ebyo ebindukubara nkebirukwera.

Sabiti YANGE

Ekyabalevi 26:2 Murayerindaga sabiti zange: kandi muratinaga hawange aharukwera; nyowe ndi MUKAMA.

Tibaine makuru omukukwata kwabo hali ebyo ebindukubara nkebirukwera:

Ebiragiro BYANGE

Matayo 5:17 Mutatekereza ngu nkaija okwihaho ebiragiro nobukyakuba ebyabanabi, ntaije okwihaho baitu okuhikiriza.

Tibaine makuru omukukwata kwabo hali ebyo ebindukweta ebirukwera:

Ibara LYANGE erirukwera

Sabiti YANGE

Hawange aharukwera

Ebiragiro BYANGE ebirukwera

 

Abantu BANGE behinduliire ekyo ekindukweta EKIRUKWERA kandi bateraniize Ekirukwera nensi nahabwekyo abantu tibakyamanyiira EKIRUKWERA.

Kinu nikyo ekizibu kyabantu-- tibaine ngeso. Nibarwana kandi nibenda emihanda yaabu yonka, okugonza kwabo kwonka. Nibenda ensi, ebyomubiri. Nibenda kukwatirira ekibi, kurora aha kibi, kukikwata kandi bakakihuura, kandi nokungarukira nkarundiisi tiharoho kizibu omukwejulinga omukibi hamu nokwija nokuruga omu kubaho KWANGE nkarundiisi ndagumisiriza engeri bakukwata mpora ekibi nobuRUKWERA BWANGE. Kunu nukwo okwegomba okwekanisa eya koya koya: okulengaho okukwata EBIRUKWERA hamu nokuzaana nekibi.

 

Bahereza ekibi akacansi, kandi nemitima yabo ekyamire habwenchwamu yebintu ebikakurora kandi nebibakusoma. Barora mungeri endi hali ekibi --busaho nomu owakurolerra abafwakati hamu nenfuuzi, abanaku hamu nabaceke. Buli omu Ali harwe. Busaho nomu afwayo kunseruura mugenziwe.

Ezera 9:6 Nagamba nti Ai Ruhanga wange,nkwasirwe ensoni, ninanata ha maiso okuimukya amaiso namberoli Ruhanga WANGE: baitu ebyokutahikirra byaitu bikanyire okukira emitwe yaitu, nomusango gwaitu gukuzire okuhika ha iguru.

 

Ekanisa eya koya koya tebaramu magezi ebiragiro BYANGE hamu nemihanda YANGE. Nkwatira abantu embabazi baitu Ebabazi ZANGE tizihagira obusihani, okwaka kwomubiri, hamu nokuhambya okuramya ebisisani. Ekanisa netekereza ngu embabazi zanguhire kuhikaho hagati yekibi hamu na RUHANGA. Muzaane nensi nobugabe bwoona kandi nubwo obe na RUHANGA obwokuhurra nomwetaaga.

Enu niyo ekanisa YANGE eya koya koya: bakwatirira ekibi omumukono gumu kandi balengaho okunkwatira omumukono ogundi. Nibefwora basiru. Bakwatiriire ekibi kyonka....habwokuba ndi RUHANGA wa byoona rundi busaho nakamu kandi naabo abanyakukwatiriira ensi kandi bakanseera baija kukurwa bamarwemu amaani obubarayemerra mumaiso GANGE. Ngya kubagambira okunduga mumaiso. Nubwo bakwija kumanya hati ekyokwikiriza kwabo okwa koya koya ekikurukumanyisa hali NYOWE.

 

“Balimu kurora hansi ya buli mwandara nibaseera ebigarukwamu. Baitu nyina ebigarukwamu byoona. Ninyowe owakusobora kukiza endwara zaabo zoona...”.

 

 

Ekihandiiko kuruga omusaara eyorubazo "Ekyekanisa eya koya koya etasobora kukugambira"/ Presenter: Susan Davis-- The LORD'S End times Prophecy Conference-- Okwamunana 16, 2014) Powerpoint Notes provided upon request: [email protected]

Kakusinga oraaba nogonza--saba nanyowe kiro kinu:

MUKAMA: Ninyegarukamu habwokuba koya koya--hamu nokuhambya ensi eyerimu busa.

 

Ninyegarukamu habwokuba nokwikiriza okucheke.

Ninyegarukamu habwokwesiga okuhambya ebigarukwamu byensi, habw obwomezi bwange omukiikaro kwokuhambya Okugonza kwa RUHANGA habwobwomezi bwange.

Ninyegarukamu habwokuhereza obwire Bwange oburungi obunakuhaire RUHANGA kubuhereza ensi omukiikaro kyokubuhereza OMUHANGI WANGE owanyakumpereza orwoya rwa buli kiro kandi owanyakuchwamu emaliira Yange eyebiro byoona.

Ninyegarukamu okwegomba ensi enu mukiikaro kyokuhambya kuba nenkoragana eyamaani nomuhangi WANGE.

Ninyegarukamu hahwokuba omu Kugonza kwomunyanzigwa mukiikaro kyokurubatira omukugonza kwa RUHANGA.

Ninyegarukamu habwokukorra ekirungi aheeru yokugonza Kwa RUHANGA hamu nokutekereza ngu okugonza kwange nukwo kurungi.

Ninyegarukamu okwehakana AMAANI ga MWOYO ARUKWERA okutaaha omu BWOMEZI BWANGE nukwo nsobole kurubatira omu Kugonza kwa RUHANGA hamu nokusingura ekibi hamu nokuhambya oburukwera.

MUKAMA: Ninyenda okuba omu KUGONZA KWAWE hatali okwange.

Ninyenda okwijuzibwa na MWOYO WAWE Omubwijwire.

Ninyenda kuba netaara eyenyakwijwire Amafuta nukwo obwoligarukira omugole Wawe olindora.

Ninyenda kuseera oburukwera hamu nokurubatira omumananu.

Ninyenda kusanga kandi nyikale aha muhanda ogufunda ogwabataito basanga.

Ninyenda kutungirwa ekiikaro naiwe habwebiro byoona.

Ninyenda kumanya KRISTO, nkomunywani WANGE owahaihi nanyowe.

Ninyenda okuteekana omuntekereza hamu nokuteekana kandi nokwikara omubusinge nomuhangi WANGE.

Ninkukinguuraho okutima gwange iwe MUKAMA YESU-Ba WANGE byoona mu byoona...kandi nabantu ba RUHANGA inywena mugambe AMIINA!

 

62. KUMANYA ESAAHA EYITULIMU KWIKARAMU

 

Edition enu eyembaganiza nebazaho aha bakurisitaayo "kumanya esaaha eyitulimu kwikaramu".

 

Kakusinga osoma Okuruga hali ebibonerezo bya Misiri ebya RUHANGA yasindikire okubweyabweya Pharaoh okutaisa abaisaleri, abantu abakukira bahara emitwe yabo kandi bahuniira--omuntu asobora ata kuhuba muhoole ati nkomusaija ogu okuyali? Omuntu yakusoboire ata kwikara nayanga okwesengerezebwa kwa MUSA, "Okulekera Abantu ba RUHANGA kugenda?” Kutungi Baibuli egamba omu Kuruga 7:3 Ngu kandi ndigumya omutima gwa pharaoh kandi nteranizemu oburorwaho BWANGE hamu nebihuniriza omuitaka lya Misiri.

 

Nahabwekyo RUHANGA akagumya omutima gwa pharaoh hali oburorwaho bwingi hamu nebihuniriza ebya RUHANGA yamusindikiire. Pharaoh owomu Kuruga nuwe omukurisitaayo owa koya koya owa kiro kinu. Bwire na bwire, oburorwaho bwobwire obwempero obutebangaine na baibuli bulimu kubaho hati bunu. Kandi nekanisa eya koya koya erimu kwerabya mulingo ogu. Oli nka pharaoh? Oli omu hali abo aba MUKAMA yagambire ngu aligumanganiza omu ba Rumi 9:18?

Abarumi 9:17-18 Baitu ebyahandikirwe bigambira Faraho ngu nikyo nakuimukize iwe, okwolekera omuliwe amani gange, kandi ibara lyange ligambirwe omunsi zona. Nukwo aganyira ati owayenda okuganyira, kandi agumanganiza owayenda okugumanganiza.

 

Soma kandi orole obutumwa obuli hansi hanu hali okukakasa ngu hati bunu tulimu kwikara omu bwire bwempero kandi hati buli bwire obwokutekaniza habwokugaruka kwa MUKAMA kutwara ekanisa ye.

(Kihirwe omu kawayiro-- kanu. --- “Lekeraaho okubihabiha abantu hali obwire bwempero”).

 

Tikuli kwonka ngu oburorwaho bwempero bulimu kuhikirra hati ekikwoleka engeri omulembe gunu gusemeriire kuba nigurora kandi guli bulindaara...abakurisitaayo abatakwate obutumwa bunu tibalimu kutunurra okusomoza okuhikire okwa "hatali akasumi bwangu muno" kuba nogambira obutumwa obwobwire bwempero.

Hanu niho hali dilemma (omulingo), Abakurisitaayo bataito:
Abantu baingi + (kugaitaho) obwire obugufu obusigaireyo: nobukiraaba kiraira engeri kiraabe Kiri (kusigikiira hali oburorwaho bwingi obwo bwire obwahampero obulimu kwija hamurundi gumu) + (kugaitaho) ebyetaago bya RUHANGA ebyakwetaaga kwihamu ekanisa—oburukwera, okuhikirra/butaba namugonya/ebijwaro bitaine kitonyezi etaara eyeijwire amafuta + (kugaitaho) ebikusikiriza byensi ebyamaani ebikuruga hali omunyanzigwa owataina embabazi = (nibinganaingana) emihito: baingi baingi muno abatetekanize, abantu abatamanyisibwe—abaragwibwamu, abakunihirwamu kandi abasigirwe enyuma.

 

63. OKUZINA NA SITAANI KULI KUZINA NOKUFWA

 

(Ebigambo ebitungirwe Susan kuruga hali MUKAMA waitu, Okwamwenda 23, 2014)

Muhara WANGE nyetekaniize kukuhereza ebigambo. Baana onu nuwe MUKAMA wanyu akubaza.

 

Haroho okuburangana omunsi, nikwetorolera aha kibi, ekibi ekikulema kandi kikafuga hali abantu habwemitima yabantu eyehindukire yagya ha kibi. Ebiteketezo byabu byoona biri byekibi ekirimu kugumizamu, ekyo ekinyakwahukaineho hali RUHANGA. Ensi enu temanyire ensaro zekibi. Erimu kuhindukira omukiikaro kyekiirima omumihanda yayo yoona. Nsobora nta kuhereza omugisa ensi nkeenu? Nsobora nta kuleeta omugisa GWANGE hali ensi nkenu? Tinsobora. Ndi RUHANGA owamananu. Mperiize engenderwaho ZANGE, ebiragiro BYANGE, kandi ensi neyanga kubibaramu amagezi. Ensi nobu ehambya iraru, enguzi, ekibi, kandi eiruke kuruga hali RUHANGA wayo negya hali byona ebinyakuli byekibi.

 

Baana, ntekwa kwija bwangu, kandi nkaihamu omugole WANGE owakwenda mananukwo kurubata kuruga hali ekibi hamu nokuruga omumihanda yensi okwebaganizamu, Ali wembaganiza kuruga hali emihanda yensi. Bataito muno nibenda kinu. Abakukira obwingi babumbaatira ebyo byoona ebinyakuli omunsi, kandi tibaija okunyekaguzaho, RUHANGA, OMUHANGI wabo.

 

Kasta ndamara kutwara omugonzebwa WANGE Kuruga omunsi munu kumuta omu kuba kurungi, ngya kugaruka nkwatagane nensi enu eyekibi eyekunyehalira kimu, nemihanda YANGE, namananu GANGE. Omunyanzigwa aija kuba nokulema nkokwakwenda kwoona omunsi yoona, kukora kyoona ekyakwenda. Eija kuba enyikara enkambu muno hali abo boona abasigaire okurwanagana nayo.

 

Ensi erimu kuroza buroza ekyo ekiri haihi okwija: ensi eyetaine omukono gwa RUHANGA okugirinda nokwemerezaho obwomeezi. Obwomezi buija kuba butakyaine makuru omungaro zomunyanzigwa WANGE kasta ndamara kusikamu OMUGOLE WANGE nkamwihamu omukukwatwa kwensi. Ekiro kinu kirimu kwija. Mutekanize emitima Yanyu, eganduura zanyu: mutekanize.

 

Baingi behurra ngu nibasobora kulindiira kandi ngu kuzaana nensi kikyali ekiikaro ekirungi. Oteyeikiririzamu wenka. Abaana BANGE bagwa buli Kiro. Timukabaga kurungi nakamu kasta muba kukyakwatiriire ensi, omunyanzigwa WANGE, emihanda yanyu--muli aheeru yokwehayo okwijwire hali OKUGONZA KWANGE hamu nokuswekwa omusaahi GWANGE. Mutaina okwehayo kunu okwijwire, muli aheeru yobulinzi BWANGE obwijwire. Tindi RUHANGA owumusobora kuzaniraho rundi kugurukya kurukya. Tinkwata mpora okwekamba okwebichweka. Kinu kiri kijumo hali NYOWE hamu nekyo ekinkukiikirra.

 

Okuzina na sitaani nukwo okuzina nokufwa. Mwerinde muno okuzina kwabwingiki okumukuzina. Obundagarukira ekanisa YANGE, omuziki gwija kulekaho omunsi kandi nebiro byanyu ebyokuzina biija kukanga aho. Leka ebigambo binu byetorolere omumwoyo gwanyu. Muhindukire RUHANGA wanyu inywena obwire butakahoireyo. 

 

Onu nuwe ARUKWERA OWAHAIGURU

 

Ebyahandikirwe ebikugenderaho:

Okubanza 6:5 Kandi na RUHANGA akarora ngu okusisa kwomuntu kwali kwamaani muno omunsi, kandi na buli ntekereza yoona nekitekerezo kyoona ekyomumutima gwe kyali kibi.

1 Yohana 2:3 Kandi hanu nuho tukumajyira ngu tumumanyire, kakusinga tulinda tukorobera ebiragiro bye.

 

64. MUTEKWA KUKOMAMU HAGATI YOKUFWA HAMU NOBWOMEZI- BYOONA BIRI HANCHWAMU

 

(Ebigambo ebitungirwe Susan kuruga hali MUKAMA waitu, Okwamwenda 24, 2014)

Baana BANGE, Ninyowe MUKAMA wanyu:

 

Ensi eri omumbeera eyokuburanganizibwa--ensi erimu kweyahukanizamu--haroho omuyaga gwokufwa ogulimu kuhuuha--guhimbire ekibi omunsi yoona. Omunyanzigwa WANGE alimu kwija omu kufugakwe hamu nokulema. Kinu nikyo kibaho obwensi eyanga RUHANGA wayo.

 

Mutekwa kukomamu hagati yokufwa hamu nobwomezi--byoona biri hanchwamu--okugonza kwa RUHANGA rundi okugonza kwa sitani: haroho enchwamu ibiri zonka. Abakukira bachwamu okufwa--okugonza kwabo--okugonza kwomunyanzigwa okukurwanisa okugonza kwa RUHANGA. Muhandaki ogworakomamu--rubajuki orworarubatiramu?

Ensi erimu kugwamu munda neyegwaho--bwangu eija kuba etakyamanyirirwa engeri ekibi kiija kufuga ensi, kandi nekintu kyoona ekiri kyobwaruhanga kiija kugwa harubaju. Tihakyaroho obwire bwingi obusigaireho hati. Mutekwa kukora enchwamu--murarubata nimukwata saidi yankaha? Murayegarukamu ekibi kyanyu--mukaseera Amaisi GANGE--mukahayo ebyanyu byoona hali NYOWE, RUHANGA wanyu? Rundi muragumizamu aha muhanda gwanyu ogwokuhwerekera? Mulimu kurubatira aha muhanda ogwekibi kuruga obwire obumwazalirweho kuhikya obumukokamu okwija omu Kugonza kwa RUHANGA kurabira omumuhanda ogwokwegarukamu hamu nokwehayo hali