TEKANIRIZA OKUTWARWA KWEKANISA (Ugandan Version) by Susan Davis (read an ebook week .TXT) 📕

kuba nahindukira kandi natunurra RUHANGA obwire bwoona kandi akasigara nemyepanko-oba mwebundazi kyonka obwoba ohindukiire MUKAMA kandi okwebundaaza nugwo muhama gwo Kugonza kwona.

 

8. INYWE BAANA BANGE MULI AHEERU YOKUGONZA KWANGE OBUMURAABA MUTARUKURORA ENGERI OBWIRE BUFWOKERE BWEKIIRIMA

 

(Ebigambo ebitungirwe Susan kuruga hali MUKAMA, Okwamunaana 11, 2013)

 

MUKAMA, kiki ekyokwenda nkole rundi mbaze, ninyija kuhuliiriza.

 

Nyetekaniize kukuhereza ebigambo. Nyetekaniize kubaliza abaana banu omurundi ogundi.

 

Nyizire omu Saaha enu eyekereriirwe okuhereza obutumwa bunu. Ninyenda mumanye ngu okwija KWANGE kuli haihi, engeri mukurora ekiirima nikikura, nukwo nokwija KWANGE kulimu kutaahamu. Ebibiri binu bigendera hamu. Kunu nukwo omugole engeri akumanya ngu ninyija. Nahuliiriza muno hali ekiirima ekirimu kukura. Omwoyo gwe nigwetegereza ekiirima ekirimu kukura.

 

Inywe baana BANGE muli aheeru yokugonza KWANGE obumuraaba mutarukurora engeri obwire bufwokere bwekiirima. Kakusinga ebikokwa bibaire bitali aha maiso ganyu, mwakurozire. Hataroho Omwoyo WANGE omu bwijwire bwe, ebintu binu tibikurorwa kurungi. Mutekwa kwegarukamu habwengonzi zanyu ezimwiniire ensi enu hamu nokwanga amananu GANGE--ebigambo byekitabu KYANGE. Ebigambo ebinabaliize kuraba omu banabi abaakara hamu noburoorwaho obumperiize kara muno obunyakuliyo nibuhikiira, Nkabuhereza kandi busaho nekimu ekifwikire.

 

Buli kimu kyoona kirimu kubaho, engeri nagambire ngu kiribaho. Ningya kwija era engeri nagambire ngu ninyija, baitu mutatiina, kimu kiija kuhondera ekindi engeri okurora oburorwaho obulimu kubaho, nukwo okwija kurora NANYOWE ninyija omubicu kutabaara Omugole WANGE. Nahabwekyo engeri okurora oburorwaho nibubaho hamu, nukwo murandora ninyija kutwara ekanisa. Kimu kiija kuhondera ekindi. Tindi muntu ngu ndaabiiha. Okwija KWANGE kusembiire haihi, engeri nagambire ngu kuliija. Amananu gali omu kitabu KYANGE kandi timpinduka kuruga aha mananu GANGE.

 

Mwetekanize, mutekanize. Habwabuli ogu weena owaratunga obutumwa bunu, nimugya kurora ebigambo BYANGE nibihikiira.

 

Onu nuwe RUHANGA owamaani owe Iguru n'ensi,

 

YAHUSHUA HA MASHIACH

 

 

Ebyahandiikirwe ebikugenderaho:

 

Amosi 8:11 Dora ebiro nibiija agambire MUKAMA RUHANGA obundinaga enjara ha nsi teri njara yebyokulya, nobulyakuba iroho lyamaizi, baitu eyokuhurra ekigambo kya MUKAMA.

 

Matayo 7:21 Omuntu wena anyakungambira ati, MUKAMA wange MUKAMA wange tali ogu alitaaha omu bukama obwomu iguru. Baitu ogu anyakukora Isenyowe ali omu Iguru ebyagonza.

 

Engeso zabakwenda 9:17-18 Ananiya yagenda yataha omu nju: kandi obuyamutaireho emikono yagamba ati Mwene waitu Saulo, MUKAMA waitu nuwe YESU ayakubonekire omu muhanda ogwoturukiremu, antumire oiguke, oijule Omwoyo ogurukwera. Ahonaho byaragara, okuruga hamaiso ge nkebikoko, yaiguka yayome'ra yabatizibwa obuyakomere ebyokulya yatunga amaani: kandi akaikara nabegeswa abakaba bali Damasiko ebiro bike.

 

Luka 21:11 Halibaho emisisa emikoto, nebihe norufu biribaho ahandi nahandi; halibaho nebinyakukanga nobwokuroraho obukuru oburuga haiguru.

 

Matayo 24:32 Kandi mwegere hali omutini orufumo rwagwo: itagi lyagwo obulinyeta amababi nigarokera buli mumanyire okwaka guli haihi.

 

9. OKWEHAYO OKWEBICHWEKA TIKULI KWEHAYO. TINKWIJA KWIKIRIZA OKWIKIRIZA OKWEBICHWEKA

 

(Ebigambo ebitungirwe Susan kuruga hali MUKAMA waitu Okwamunana 3, 2013)

 

Nyetekaniize kukuhereza Ebigambo. Leka tutandike:

 

Baana, ebicu ebikwiragura birimu kutahamu. Nyetekaniize kusirimuka kandi nkatwara Omugole WANGE omuka. Ali mugonzebwa omu mihanda ye yoona. Ahondera RUHANGA we. Tatunurra mukono gwa bumoso rundi ogwa bulyo. Ahondera omuhanda ogufunda oguterekeriire.

 

Omugole WANGE atunuliire NYOWE NYENKA. Ahondera amananu GANGE, kandi busaho kindi kyoona. Ahuliiriza ebigambo byange omu Mwoyo gwe, habwokuba akozire okwehayo okwijwire hali NYOWE. Amperiize ebye byoona, kandi ndi huwe byoona mu byoona.

 

Anseera ekiro kyoona. Titukwahukanaho omu biteekerezo hamu nomundora yaitu. Ebitekerezo BYANGE nibyo bitekerezo bye. Obundubata nawe arubata. Obundekaho nawe alekaho. Nuwe mikono YANGE kandi bigere BYANGE. Ebigambo BYANGE biruga omukanwa ke nibigya omu Bantu. Atwara ahimbire enjiri YANGE hali abo ababuzire.

 

Busaho ondi wena atwara amananu, omugole WANGE wenka, abantu abahukainemu, abeyahukanizemu hali NYOWE, bebaganizemu hali ensi, abanyakunyiniire amaiso NYOWE nyenka. Abantu banu, abembaganiza nubo bonka nkwizira. Bataito abakomerwemu, abeteekanize, abo abanyakwikaliire ahakasongezo kentebe zaabo batunuliire, kandi balinzire nobugumisiriza habwa RUHANGA wabo. Banu nubo nafweriire. Banu nubo nkwizira kutwara.

 

Bwangu, bwangu muno baija kuba nibagenda NANYOWE engeri ndabasikamu nimbata omu kuba kurungi, kuruga omunsi eyekiirima eyerimu kuchweka hansi yebigere byabu. Musobora kuba bamu hali abo abagole BANGE, timukakererirwe. Mumpindukire buhindukira, RUHANGA wanyu omu kwehayo okwijwire. Muteeke obwomezi bwanyu habigere BYANGE, mumpereze byoona. Nimbyenda byoona.

 

Okwehayo okwebicweka tikuli kwehayo. Tinkwija kwikiriza okwikiriza okwebichweka. Ninyija kubachwayo mukanwa kandi mbaleke enyuma. Nukwo murarora ensobi eyomuhanda gwanyu engeri muraaba musigaire kurora omunyanzigwa WANGE kandi timukarozire obulemeezi obwijwire obwobukambu bwe obwatekaniize.

 

Nahabwekyo mwije hali NYOWE hati obwire butakakererirwe. NYOWE, RUHANGA wanyu mbalinzire nobugumisiriza, baana BANGE. Muhindukire omuhangi wanyu, esaaha ngufu.

 

Onu nuwe OMUHANGI we Iguru hamu Nensi, kandi OMUHANGI wa Nyenkya

NYOWE RUHANGA, mbalinzire.

 

Ebyahandiikirwe ebikugenderaho:

 

Abefeso 5:21 Nimuhu'rangana inywenka omu kutina KRISTO.

 

Tito 2:14 YESU KRISTO; ayayehaireyo: wenka habwaitu, nukwo atucungule omu kutahiki'ra kwona, kandi ayesemereze wenka ihanga okubalye wenka, erirukwekambira engeso enungi.

 

1 Petero 2:9 Baitu inywe muli ihanga erikome nobunyakatagara obwomukama noruganda orurukwera abantu abokutungwa RUHANGA wenka, nukwo mwoleke oburungi bwogu ayabesere okuruga omu muirima, okutaaha omu musanagwe ogwamahano.

 

Okusukururwa 3:16 Nukwo obwokutagata koya koya, kunu torukufuka kandi torukutagata ningenda okukutanaka omu kanwa KANGE.

 

10. OBUTAGANYIRA

 

(Ebigambo bya MUKAMA ebya kiro kinu)

Abahondezi ba KRISTO abagonzebwa:

 

Omu baruha eya buli eyarugire hali RUHANGA, akahereza okurabura hali abantu aha "butaganyira" hamu nomugaso gwo kuganyira buli omu nukwo oikirizibwe omu bukama bwa RUHANGA. Omusomi akasindika ebaruha eyamaani muno enu hanyuma yokusoma ebaruha ya MUKAMA eyekubazaho "obutaganyira". Nchwiremu kusindika ebaruha enu hamu nokwirukanganiza ebaruha eya MUKAMA eyekubazaho "Obutaganyira" byoona hamu. Hanu haroho ebaruha kuruga hali omusomi waitu,omutebezi wenjiri; Sommy Erekosima owa Nigeria owasomiire sonite publishers ltd, owuyahandikiire End Times Revelations Magazine kandi omwebembezi webyokurwanisa bya RUHANGA (GOD'S ARMOUR Bearers Outreach), obuhereza obunyakukwatagaine nokuhereza obwakaiso bwa KRISTO, kutekaniza enteerano zebyamahano, hamu nokutendeka abatebezi benjiri omu Nigeria hamu naheru ya Nigeria:

 

Ohebwe omugisa akugonzebwa Susan ahabwokuhereza amananu ga MUKAMA agatafurunguirwe. Ebintu biingi bikabaho ebyanyegeseze mananukwo engeri nsemeriire kuganyira hamu nokusumururwa kuruga omu butaganyira.

 

Kubanza, mwenewaitu omukurisitaayo ayali aine ekisembo ekyobunabi hamu nokwolekwa akafwa kumara esaaha ina, omu 2003,18th Okwamunana. Nkaba mazire kumara okusiiba kwange okwebiro bisatu ndindiriire MUKAMA, ntakulya byokulya hamu namaizi.

 

Ekiniga kya mwene waitu onu hamu nomwoyo gwe ogwobutaganyira kyali kintu ekya namba 11 aha rukaara rwebyetaago byange ebyokusabira. TAATA RUHANGA akahurra okucura kwange kandi yamuha akagisa akakabiri.

 

Mwene wange omukurisitaayo akafwa kumara esaaha ina. Omukufwa kwe, akagamba, Baibuli ekasukurwa mumaiso ge kandi akagambwa ngu tasobora kutaaha omu Iguru habwomwoyo wobutaganyira. Akagamba ngu malaika akagamba ngu habwokuba ngu nkaba nimwesengerereza, akahebwa akagisa akakabiri, kugaruka ayegarukemu. Baitu tasemeriire kulemwa okuhabura abaisemu ngu abakurisitaayo abaingi muno tibaikirizibwa kutaaha omu Iguru habwobutaganyira.

 

Kwiha obu nyikaire ninyegesa isomo omu Matayo 5:44 kandi nikihuniiriza muno engeri baingi bali omu mutego gwobutaganyira.

 

Webale muno habwengonzi zaawe zoona ezonyiniire hamu nabenju ya KRISTO, omugole waitu owa kwija bwangu.

 

Shalom

 

Omutebezi wenjiri Sommy Erekosima, Nigeria

 

Omu kihandiiko ekyakabiri kuruga hali Omutebezi wenjiri Sommy Erekosima, akahandiika (Susan), hanyuma YANGE okumwehabuzaho obundaaba ninsobora kubagana oruganikyo rwe orwamaani.

 

Akugonzebwa Susan, genda mumaiso ogibagane Nabandi. Kuli kurwanisa kwaitu okutaito okucungura millioni zabantu butagwa omu murro gwa gehena.

 

Oireho, ekintagaisireho kiringu onu owaisemu,ayafwire kandi bamwangiira kutaaha omu Iguru akaba aina ebisembo ebyamaani ebyobunabi, hamu nokusukururwa. Yamponderaga ahansorokaniro, kandi yabazaga ebintu biingi muno ebya RUHANGA akugya kukora. Kiro kimu akadumira omurro okwokya abasuma basatu abali bamurumbire aha muhanda kandi bafwa.

 

Ahabwe kisembo kye,akatandika kuba nekitinisa nokutinwa muno mubantu kukira NYOWE--omwebembezi worusorokano. Baitu obuyafwire, akagamba, Nkaitiraitirana maiso na maiso n'ekitabu ekyamaani ekyasukwirwe kandi malaika yagamba "Tohikire kutaaha omu mulyango gw'eiguru" Baitu habwomuhereza WANGE (Sommy) owanyakuli aha maju nacura, ohairwe akagisa akakabiri.

 

Malaika akangambira kukugambira (Sommy) okurangiira omu magazine yawe eya "End times Revelation" ngu ebibi bibiri ebisingireyo kulemesa abakurisitaayo biri; (1)
Emyepanko hamu (2) nobutaganyira. Gambira ensi ngu baingi abasaija abamaani aba RUHANGA abatukunihira ngu bali omu Iguru, tibaliyo habwebibi bibiri binu. Nkarora baingi muno omulibo nibacura ekitabu obukyasukwirwe kwoleka ebyo ebya handiikirwe ebyabo ebyokutaganyira hamu nemyepanko, mwene WANGE omuli KRISTO akagamba.

 

Amananu gali nti nkaba nebiro bisatu ndindiriire nyenkya na RUHANGA ebiro 15-17 Okwamukaaga 2003, omu Abuja, Nigeria. Omu nteerano nkezo,esimu zange, TV, hamu nebyempuliziganya byoona byali bitaroho. Nkamaliira omu kusiiba kandi esimu eyasokere kunterera nyenkyakara eyahondiireho, 18th Okwamukaaga ekaba neruga hali mukazi wange owanyakuli Port Harcourt, nangambira ngu munywani WANGE kandi enganjani yange akaba afwire.

 

Hanyuma, mwene wange owaisemu akaba ali namba ya 11 aharukaara rwange orwesaara. Kyoona ekinali nimwesengerereza ebiro ebyo bisatu ebyokusiiba kyali " Oh MUKAMA sumurra mwene wange kuruga hali omwoyo wekiniga". Osobora era kwetegereza habwaki amakuru gokufwa kwe gantalibaniize kandi nagambira RUHANGA, ISIITWE, osobora ota kwikiriza okufwa kutwara mugenzi wange kunu mbaire nimwesengerereza ebiro bisatu ebisembereyo? MUKAMA akagarukamu yahumburra mwene wange omukurisitaayo hanyuma ye saaha ina ezokukakasa ngu afwire.

 

Nahabwekyo ntahuniire obwa munywani wange kandi owaisemu onu obuyagambire ngu MUKAMA akamugambira, "Dora omuhereza WANGE nacura kandi nayesengereza habwawe kandi ayali ali omu Port Harcourt" kandi otamanye ngu nkaba ndindiriire kandi tiyakumanyire ngu nkaba nimusabira kakusinga MUKAMA yali atamugambiire.

 

MUKAMA akamugambira, aha bwensonga enu, oine akagisa akakabiri, baitu leka ensi emanye habwa kinu!"

 

Susan, ninyikiriza ngu ni MWOYO ARUKWERA owanyakwenzire amananu ganu kurangirirwa kuraba omuliiwe, habwokuba "End times Revelation Magazine" eyekaba eine okusasana okukooto omu Nigeria,era nayo yakurangiriire obwakaiso bunu baitu ekalekaho okusasana kwiha 2001 ahabwokuburwa sente, ekyaleterezibwe okubuzaho sente kuruga omu batunzi, abayambaga omu kanisa.

 

Baitu RUHANGA, owatasobora kulemesibwa, asobora kuba yacwiremu kukolesa omuhanda ogwawe okugirangiira.

 

Leka Ibara erya RUHANGA waitu owakuhuniriza lihebwe ekitiinisa!

Omutebezi Wenjiri, Sommy Erekosima, Nigeria

 

 

Ebigambo bya MUKAMA:

 

"NINYOWE RUHANGA wanyu kandi nimbagambira ngu timukwija kutaaha omu bukama BWANGE kakusinga muraaba mwine obutaganyira, mutaganyiire omuntu wena.”

 

(Ebigambo ebitungirwe Susan kuruga hali MUKAMA waitu, Okwamusanju 21, 2013)

 

Nyetekanize kutandika. Baana, onu ni RUHANGA wanyu akubaza. Ningya kubazaho isomo eryokuganyira.

 

Baana BANGE, timurukuganyira. Nimukwatiriira obutaganyira nkarundisi kiri kisembo ekyente. NINYOWE RUHANGA wanyu kandi nimbagambira ngu, timukugya kutaaha omu bukama BWANGE kakusinga muraba mutaganyire omuntu weena. Kinu tikisobora kuba. Tinkugya kugumisiriza omutima ogutakuganyira. Kiri kijumo hali NYOWE. Mutekwa kuganyira kandi mukebwa kandi mukaleka okubiihirwa oku okwenyuma kukagenda. Ninyija kubasumurra hali okuhutazibwa kwanyu hamu nobusasi, kakusinga murampindukira.

 

Ninyowe owarabaleetera okukizibwa, okukizibwa okwomutima okumukwetaaga kubi muno. Ninyija kubumba emitima yanyu eyenyakucwirwe. Ninyija kubasumurra kuruga omukurumwa omutima. Nsobora kukikora busaho ondi weena. Abantu abandi baija kubarugamu. Tibaine omutima ogwa RUHANGA. Emitima yabo tehikiriire kandi teri yobuntu. Baburwaho embabazi nokuhurra. Ndi mutima ogunyakuteera ebiro byoona. Omutima GWANGE gwamaani kandi nigutengeta, nigwanguha kugarukaho, kandi gwikara niguteera. Muteeke okuganya kwanyu hansi habigere BYANGE.

 

Okurwanisa kwoona okwa rufu okwomunyanzigwa WANGE akukorramu, owakukolera omuli abo abakwetoroire. Ganyira abo boona abanyakukuli haihi habwomulingo gwomunyanzigwa akoleseze kubarabiramu okukuletaho oburumi. Nobworaaba nobonabona, kiri habwomukono gwomunyanzigwa, kukira abo abanyakukuli haihi. Bacheke bucheke habwokuba tibaina amaani ga MWOYO WANGE ARUKWERA kurwanisa ekibi hamu nokurubata bahikiriire omu Kugonza KWANGE.

 

Kiri habwa maani ga MWOYO ARUKWERA gonka kurora ngu omuntu wena nasobora kukora okugonza KWANGE.