TEKANIRIZA OKUTWARWA KWEKANISA (Ugandan Version) by Susan Davis (read an ebook week .TXT) 📕

17. NDI RUHANGA OWA KAGISA KAKABIRI, BAITU OBWIIRE BULIMU KUHWAYO...

 

(Ebigambo ebitungirwe Susan, kuruga hali MUKAMA, Okwaikumi 29, 2013)

Baana, NINYOWE MUKAMA wanyu:

 

Nimutekereza ngu tindigaruka, kinu nimukibaliza ngana. "Agamba ngu Naija, baitu takwija!"

 

Baana BANGE, onu ni RUHANGA wanyu akubaza: Muhuliirize kurungi: NINYIJA! Nangwa, timukwija kumanya ekiro rundi esaaha, baitu musobora kumanya sizoni, kandi enu niyo sizoni. Oburorwaho bulimu kubaho kandi timusobora kwehakana ngu okwija KWANGE kuli haihi.

 

Mbaheriize emanyikirizo nyingi muno kuhondera. Oburorwaho bwange nibwetegerezebwa kandi bulimu kuhikiira. Abo bonka abatakwenda kumpondera, tibalimu kukirora. Tibakwenda kumanya habwokuba tibakwenda kumanya NYOWE, RUHANGA wabo. Abo abakumpondera haihi, nibasobora kurora kiki ekirimu kubaho haihi yabo. Nibasobora kurora omwirima ogunyakulimu kutaahamu, gukwatiire kimu kukira engeri gwakabaga.

 

Bunu tibuli bwire obwosemeriire kuba obyamiire aha mupiira. Bunu tibuli bwire obwosemeriire kuba nonuga RUHANGA waawe. Kakusinga oikara obyamire, oija kufwerwa okwija KWANGE. Ndasanga omuntu weena aina okwikiriza obundaagaruka? Baingi kandi abakukira muno obwingi tibakworobera RUHANGA wabo. Bataito muno balimu kutunurra mumaiso habwokwija KWANGE. Mwimuke kandi muhuliirize kurungi. Murugeyo omuturo twanyu otwomumwoyo! Mukingule amaiso ganyu agomwoyo kandi murole ekiirima ekinyakubetoroire. Mulekeraaho kuleka ebintu byensi kubatwara omu kusiikirizibwa! Mwihe emikono yanyu hali ensi! Mwije munaabye engaro zanyu hamu neganduura zanyu omu musaahi gwange. Mwije mugwogeze omu kigambo KYANGE. Mutekanirize okwija KWANGE.

 

Murabule abaliraanwa banyu hamu nabanywani banyu. Mwija kuba nomusaahi aha ngaro zanyu kakusinga mutahabule abantu abanyakubetoroire. Nooha ondi weena owunsobora kutuma atali mugole WANGE owakomerwemu? Huwe wenka nuwe aina amananu hamu na mapu, eyekutwara omu kahanda akafunda. Abandi boona babuzire kandi bahabisibwe. Bafubamaiso nibebembera abafu bamaiso.

Teera ekibiriiti, tandika oyakye omurro, leka omuyaga gwa MWOYO ARUKWERA WANGE guhembe omurro. Leka amananu gaake nkomurro kuruga omumutima gwawe kuraba omu ngaro zaawe, kuraba omu kanwa kaawe, kuraba omu bigere byawe. Leka ensi erole omurro gwenjiri YANGE enyakuhikire kuraba omu bantu BANGE, OMUGOLE WANGE. Niinywe inywenka abanyakwine amananu. Timutekwa kusereka ekyererezi hansi mukigega!

 

Ninyenda mulekeraaho kuhurra mutekaine omunsi enu. Ninyenda mube abatatekaine ahabwokurora abo boona abanyakubuzire bali haihi nainywe. Ninyenda mulekeraaho kuba abanyakutekaine omunsi enu: Mulimu kurabamu burahamu. Muli nsuhuuki omu itaka linu. Mutekwa kuba nkabasirikale abakugenda omu rutaro . Obwomezi bwingi bwabantu buli ha bunkenke. Kanu niko kagisa kaabu konka. Kakusinga bagwa ekirengeso, kinu baija kubura ebiro byoona. Kwimuke inywe ekanisa, mwikale bize! Mutasiisa akasumi kandi koona... baingi muno baija kubura kumara ebiro n'ebiro... baingi muno bamazire ira kubura.

 

Kakusinga mwija NANYOWE, ngya kukingura enyigi nyingi. Kingura bukingura akanwa kaawe. Ngya kuteeka ebigambo omu kanwa kaawe. Ngya kukuletera abantu ha mulyango gwawe obabalize enjiri YANGE. Kasta ntwara omugole WANGE kuruga omunsi, omunyanzigwa aija kutaahamu kandi abantu baija kuba nobwire obunyakugumire muno, kwija omu kujunwa KWANGE. Tikikwija kuba kyangu naakamu hali ekanisa YANGE enyakusigaire enyuma. Baija kufwa aha mukono gwomunyanzigwa WANGE okwija omu bukama BWANGE. Nahabweki, mutaleka obusumi bunu oburungi kubarabaho. Bunu buli busumi oburungi obusemiire.

Ndi RUHANGA wakagisa akakabiri, baitu obwire bulimu kuhwayo...

Ebyahandiikirwe ebikugenderaho:

 

2 Petero 3:4 Nibagamba ngu guraha omurago gwokuijakwe? baitu nambere baisenkuru itwe bagwijagiriire, byona biikaire biti nkokubikaba biri, okuruga ha kubanza kwokuhangwa.

 

Marako 13:28 Kandi mwegere hali omuti orufumo rwagwo: itagi lyagwo obuliba lyorobere, nirizaara amababi gagwo buli mumanyire omwaka guli haihi.

 

Luka 18:8 Nimbagambira nti Alibaramu'ra bwango. Baitu omwana womuntu obwaliija alisanga okwikiriza hansi?

 

Yobu 41:19 Omu kanwa kayo haruga ebimuli ebirukwaka, namasasazi gomu'ro gaguruka okurugamu.

 

Zabuli 119:105 Ekigambo kyawe niyo etabaaza hali ebigere KYANGE, kandi omusana hali omuhanda gwange.

 

Enfumo 6:23 Baitu ebiragiro niyo tabaza, nokwegesa nugwo musana nokuhana kwogu anyakwegesa nugwo muhanda ogwomusana.

 

Matayo 25:3 Baitu abadomadoma obubatwaire etabaza zabu, batatwale namagita, baitu abamagezi bakatwara amagita omu nsale zabu hamu netabaza zabu.

 

Luka 11:33 Busaho muntu akwatiriza etabaza, nagita omu kina nobuhokuba omunda yekigega, baitu agita ha kati kayo, abo abatahamu barole okwaka kwayo.

 

18. HABWAKI NIMUTEKEREZA NGU TINYINE KYOKUBAZA HALI ENSI ENU?

 

(Ebigambo ebitungirwe Susan kuruga hali MUKAMA waitu, Okwaikumi 28, 2013)

Kinu nikyo ekigambo kya MUKAMA.

 

Kiro kinu ndihaihi kubaha ekigambo ekinyakulemiire aha mutima Gwange, hali abantu BANGE, Nobuhaakuba abo abakukolesa Ibara LYANGE kandi bakagamba ngu ndi RUHANGA wabo.

 

Tinyigusibwe muno naakamu aha bwa baana BANGE hamu nokuhambya kwabo okwensi. Ndi RUHANGA owuyahangire buli kimu kyoona. Nkabaza byoona byabaho. Nkabaza kandi byoona byatunga obwomezi. Nyemerezaho buli kimu kyoona. NYOWE kandi NYOWE nyenka.

 

Busaho kintu kyoona ekibaho hataroho NYOWE. Busaho kintu kyoona ekisobora kubarwa kyomezi oihireho nkikiriize kusoboka. "Ndi owamaani ndi" Nyomeera kandi nyikya. Mbaho. Nkabaho ensozi nenyunyuzi zitakabaireho. Ndi RUHANGA owamaani kandi owanyakwina amaani. Timwandiikize mutaine NYOWE. Ndi owakujunanizibwa hali oba nimwomeera rundi nimwikya. Kinu KYANGE kukora.

Habwaki nimutekereza ngu tinyiina ekyokubaza hali ensi enu? Kakusinga mwaikiriize ngu ninyowe nkufuga, mwakulekereho kuhambya ensi habwebigarukwamu byanyu byoona, kugihereza engonzi zanyu, kugibungira. Kakusinga mwaikiriize ngu ndi mukufuga, mwakulekereho kuhambya ebisisani ebindi ebyebiti, nimubihereza obwire bwanyu bwoona hali ekyo ekikubaisanira nkekirungi kukira RUHANGA wanyu. Ndi hansi aha rukaara rwebyetaago byanyu.

 

Mumpuliirize. Kakusinga mutaasobole kulekaho kuhambya ensi, nkomugonzebwa "wanyu wenka" ngya kubaihaho omukono gwange ogwobulinzi. Engeri kiri, mwakuba mumazire ira kurubata nimuruga ha mukono gwange ogwobulinzi kandi ogukwebembera kuhindukira ensi eri nsonga embi muno, hanyuma yokukwata kwata ebintu bya RUHANGA. Obworaaba oikaliire aha rugo hagati, YANGE hamu nensi, omazire kukomamu kundwanisa. Tinsobora kukweta WANGE kakusinga engonzi zawe hali NYOWE ziri zebichweka kandi zakasumi kataito muno aha bwire bwawe. Aha kasumi Tulitangatangana ndigamba, "Ntakumanye" kandi olinagwa kuruga hali NYOWE nkekinunko kibi kandi nkenkozi yebibi.

 

Imuka O' ekanisa enyakulimu kurubata efwire eya koya koya. Ngya kukuleka enyuma obundaizira ekanisa YANGE eyekitiinisa. Omugole WANGE owanyakuhondera okugonza KWANGE ayeheriireyo kimu omu Kugonza KWANGE. Omugole WANGE anagire okuhambya kwe okwensi ahabwekintu ekindi ekirungi kusingaho, kuhondera MUKAMA we, OMUJUNI, hamu noMWEGESA.

 

Onu nuwe omugole WANGE, ekanisa YANGE enyakuhikire. Onu nuwe ndukwizira bwangu kutwara, bwangu muno. Imuka muturo iwe ekanisa enyakufwire. Oine obwire butaito obwomuhendo kutangatangana kandi nokumanya RUHANGA waawe--kuba anyakusemezibwe otaine kitonyezi, kandi kuba oyetekaniize kutaaha omu bukama bwange habwamaani ga MWOYO ARUKWERA. Munseere. Muteeke obwomezi bwanyu hansi hali NYOWE. Mumpereze okwehayo okwijwire. Muleke ensi egende yonka hamu nebyo byoona ebyekwekereera. Inywe muli booha? NYOWE, RUHANGA waboomezi, abarukwikya, rundi omunyanzigwa WANGE, Omwebembezi wabafwire nabanyakulimu kufwa? Kuseere RUHANGA! Musange obwomezi!

 

NINYOWE MBALIZE

Ebyahandiikirwe ebikugenderaho:

 

Okubanza 2:7 Kandi MUKAMA RUHANGA, yakora omuntu kuruga omucucu ya hansi omuitaka, kandi yaikya orwoya orwobwomezi omu nyindo ze, kandi omuntu yafwoka omwoyo ogwomiire.

 

Luka 13:23--27 Kandi omu akamugambira ati, MUKAMA WANGE, abanyakujunwa bake? yabagambira ati; Mwekambe okutaaha omu irembo erifunzire, baitu nimbagambira nti, baingi abaliseera okutahamu tibalisobora. MUKAMA wenju obwalikamara okuimuka, nokukingaho oruigi, nainywe nimubanza okweme'ra aheeru, nokweranga ha rwigi, nimugamba ngu, MUKAMA waitu otukingure'ho, nauwe aligarukamu nabagambira ati timbamanyire nambere murugire, nubwo mulibanza okugamba ngu, Twalyaga, twanywaga omumaiso gawe, naiwe wayegesaga omu makute gaitu, nauwe aligamba ati, mbagambiire nti timanyire nambere mwaruga.

Engeso zabakwenda 7:51 Inywe abengoto egumire, abatasazirwe omu mutima, nomu matu, inywe mutanga obutosa, Omwoyo ogurukwera nkabaisenkuru inywe, nainywe nukwo mukora muti.

 

19. OTATEKEREZA NGU KYOKUHUNIRIZA MUNO KAKUSINGA ABANTU “BAHUTAZIBWA”

 

Abahondezi ba KRISTO abagonzebwa: Obworaaba nohabura abantu hali okwija kwa KRISTO okwabwangu hamu nobutumwa bwenjiri, otatekereza ngu kikuru kyokuhuniriza kakusinga abantu baihwaho rundi 'bahutazibwa' habwebyo ebyokulengaho kubagambira. Enjiri eri kyokuhutaaza hali ensi--Baibuli neyoleka kinu Kurungi muno omubyahandiikirwe:

 

Abagaratiya ebazaho omusango gwomusaraba:

Abagaratiya 5:11 Baitu Nyowe bene baitu, obundaaba ninkyayegesa okusarwa ninkyahigirwa ki? Ensoni ezomuti gwa KRISTO, buli ziihirweho.

Omungeso za bakwenda, Petero hamu na Yohana bakahakanwa kubazaho KRISTO:

 

Engeso zabakwenda 4:18-20 Kandi babeta nibabatere'ra haleke okugamba na kake, nobukwakuba okwegesa omu Ibara lya YESU. Baitu Petero na Yohana, bagarukamu nibabagambira ngu obukiraba kiri kirungi omu maiso ga RUHANGA okuhu'ra inywe, okukira Ruhanga mutekereze: baitu itwe titurukusobora okuleka okugamba ebitwaboine nebitwahuliire.

 

KRISTO wenyini bakamugamba ngu akihinguraniize, abo abanywaniwe hamu neekaye.

 

Marako 3:21 Kandi abe obubahulire, baturuka okumukwata baitu bakagamba ngu Agwire iraro.

 

Abantu ba KRISTO bonyini abakomerwemu, abayudaaya, bakamwehindukira:

Marako 15:13-14 Bagaruka okutoka ngu mubambe hamuti. Pirato yabagambira ati Kibi kiraha ekiyakozire? Baitu batoka muno ngu mubambe ha muti.

Omu bigambo binu, KRISTO nayoleka ngu akabonabona okubonabonesibwa okutaija kuba kyokuhuniriza hali abo abanyakumuhondera:

Yohana 15:20 Mwijuke ekigambo ekinabagambire nti omuiru rubale takira mukamawe. Baraba bahigire NYOWE, nainywe balibahiga. Baraba bakwasire ekigambo KYANGE, nekyanyu balikikwata.

Ebyahandikirwe nibigamba ngu KRISTO nuwe kisiika kyokulemesa hali abo abantu be bonyini kandi owobusirusiru hali abanyamahanga.

 

1 Abakorinso 1:23 Baitu itwe ntutebeza KRISTO, ayabambirwe hamuti, hali Abayudaya enkonge, kandi hali Abamahanga butami:

 

Ebigambo binu nibyoleka ngu omusaraba gwa KRISTO tigwine mugaso hali abo abakuhwerekerra batagwine.

 

1 Abakorinso 1:18 Baitu ekigambo kyo muti buba butami hali abo abahwereke'ra, baitu hali itwe abarukujunwa gaba mani ga RUHANGA.

 

Oihireho kuba na maani ga MWOYO ARUKWERA omubwomezi bwomuntu, nubwo omuntu araaba narubatira omu Kugonza kwa RUHANGA kwoona.

1 Abakorinso 2:14 Baitu omuntu owokuzarwa kwonka taikiriza ebyomwoyo ogwa RUHANGA baitu biba byobutami haluwe. Kandi tasobora okubimanya baitu nibyetegerezebwa obwomwoyo.

Nahabwekyo manya ngu haroho omuhendo gwokusasura kuhondera MUKAMA hamu nokuba mutwaazi wobutumwa bwe, bwomuhendo mukumaliira kwa byoona.

Luka 14:27 Wena atahimba mutigwe wenka naija enyuma YANGE, tasobora kuba mwegeswa WANGE.

 

20. ABAKUKIRA OBWINGI OMUNSI BAKWATIIRWE OMUBYOKWENYUMIZA BYABU: NIBASEERA OBUGAIGA, NIBASEERA KURWANISA RUHANGA, NIBASEERA KWENYUMIZA.

 

 

(Ebigambo ebitungirwe Susan kuruga hali MUKAMA waitu, Okwaikumi nakumu 19, 2013)

 

Baana, onu nuwe RUHANGA Wawe. Nimurora ngu obwire bulimu kusembera haihi. Nimurora engeri ndimu kulengaho kukibolekeza kimu baitu baingi tibakwenda kuhuliiriza kurungi.

 

Baingi bakyaburanganizibwe ensi habwebyo ebikwisana nkebihikire hamu nebikubasemeza. Ensi eri kinunko omumaiso GANGE. Nenunka kandi nentama NYOWE RUHANGA ARUKWERA. Ensi neirukira aheeru yokugonza KWANGE, okugonza kwa RUHANGA. Ensi neisana nkenyakuhikire kandi nketaina buzibu, baitu bataito muno bonka bakolera omu Kugonza KWANGE.

 

Abakukira obwingi omunsi, bakwatiirwe omubyokwesemeza byabu, nibaseera obugaiga, nibaseera kurwanisa RUHANGA, nibaseera kwenyumiza. Kunu tikuli Kugonza KWANGE, kuli Kugonza kwomunyanzigwa WANGE. Kandi onu nuwe owabantu bakwebemberwa, omunyanzigwa wa RUHANGA.

 

Abantu nibenda kwebemberwa omunyanzigwa WANGE. Nibenda kwirukira aheeru yokugonza KWANGE. Banu nibo baranywa ekikopo KYANGE ekyekiniga obundagarukira abataito muno abakwenda kwo Mali kuba omu Kugonza KWANGE. Enu niyo ekanisa YANGE enyakuhikire, omugole WANGE, omugole owunafweriire, kandi omugole owunkwizira. Aina ebijwaro ebirukwera kandi anseera nekihika kiingi. Antwaraho okwikya KWANGE. Nuwe nkwepikira, kandi nuwe ndimu kwija kucungura. Banu nubo abahondezi BANGE abakunyorobera, abataito muno abanyakusoma ebigambo BYANGE Mali, abataito abanyakumpondera kuraba omu nkoragana kandi nibo abakwenda kuba omu KUGONZA